«Miarkuju, što dobra atrymałasia, što prezident Pucin ubačyŭ i adčuŭ, što śviet dumaje ab jahonych dziejańniach i dziejańniach rasiejcaŭ va Ukrainie», — zajaviŭ novy kiraŭnik Rady ES, niadaŭni polski premjer Donald Tusk, kamientujučy vyniki samitu «Vialikaj dvaccatki» ŭ Bryśbienie.
Pra heta paviedamlaje UNIAN sa spasyłkaj na RAR.
Pavodle Tuska, situacyja dla Ukrainy nie mianiajecca da lepšaha, i «Ukrainie niama čamu radavacca, ale dakładna atmaśfiera ŭ Jeŭropie i ŭ śviecie vakoł Rasii stanovicca ŭsio horšaj i paharšajecca nadzvyčaj chutka».
Tusk adznačyŭ, što tema Ukrainy dakładna budzie adnoj z klučavych dla jaho na pasadzie kiraŭnika Rady ES.
Jon taksama adznačyŭ, što nasamreč śviet maje spravu z «narmalnaj vajnoj», u čym inšyja jeŭrapiejskija lidary narešcie pačali pierakonvacca.
«Źnikajuć iluzii — kali chtości mieŭ takija, a niekatoryja mieli peŭnyja iluzii ci pamyłkovyja ŭjaŭleńni ab namierach Maskvy. Maju ŭražańnie, što hetych iluzij ciapier užo niama», — skazaŭ Tusk.
