Na cyrymonii ŭ Bracisłavie prysutničali prezdenty (sprava naleva) Čechii Miłaš Zieman, Hiermani Joachim Hauk, Słavakii Andrej Kiska i Polščy Branisłaŭ Kamaroŭski.
Čechija i Słavakija pačynajuć śviaty ŭ honar 25-hodździa najbujniejšaj studenckaj demanstracyi, ź jakoj 17 listapada 1989 h. pačałasia Aksamitnaja revalucyja — padzieńnie kamunizmu ŭ tahačasnaj ČSSR i pierachod krainy da rynkavaj ekanomiki.
Mirny pratest u Mižnarodny dzień studenta vyliŭsia ŭ sutyknieńni z palicyjaj, jakaja źbivała demanstrantaŭ.
Praź miesiac u Čechasłavakii źjaviŭsia pieršy za 41 hod niekamunistyčny ŭrad, a 29 śniežnia 1989 h. Vacłaŭ Haveł staŭ prezidentam fiederacyi pa vynikach hałasavańnia parłamienta.
U 1993 hodzie Čechija i Słavakija pieražyli tak zvany «Aksamitny razvod», staŭšy dźviuma asobnymi dziaržavami.
Adnak, pavodle apytańniaŭ hetaha hoda, bolš za 16% čechaŭ ŭsio jašče marać ab viartańni da kamunizmu.
U Słavakii admianili śviatočny kancert, vyznačany na paniadziełak, pakolki vykanaŭcy nie žadali asacyjavacca ź jaho arhanizataram - kirujučaj partyjaj ŚMIER.
Pry hetym 84% žycharoŭ Češskaj respubliki viedajuć pra śviata 17 listapada, jaki ciapier aficyjna nazyvajecca Dniom baraćby za svabodu i demakratyju.
U Słavakii, dzie bolšaść nasielnictva taksama pazityŭna aceńvaje padziei 25-hadovaj daŭniny, śviata nazyvajecca Dniom baraćby suprać tatalitaryzmu.
