Biełaruś zaniepakojena tendencyjaj paharšeńnia situacyi va Ukrainie.
president.gov.by
Pra heta zajaviŭ siońnia Alaksandr Łukašenka na sustrečy ź ministram zamiežnych spraŭ Rasii Siarhiejem Łaŭrovym.
«Apošnim časam situacyja vakoł našych miežaŭ, Sajuznaj dziaržavy naściarožvaje.
My nie možam pahadzicca z toj aktyŭnaściu, jakaja siońnia pradprymajecca z boku zachodnich dziaržaŭ na zachodnich miežach našaj Sajuznaj dziaržavy.
My nie možam pahadzicca z tendencyjaj paharšeńnia situacyi va Ukrainie, nie tolki ŭ Danbasskim, Danieckim rehijonach, ale i ŭ cełym va Ukrainie», — adznačyŭ Łukašenka.
«My vielmi spadziavalisia, što paśla vybaraŭ situacyja budzie raźvivacca ŭ lepšym napramku, u kirunku stabilnaści. Ale, na žal, my hetaha nie bačym», — skazaŭ kiraŭnik biełaruskaj dziaržavy.
Łukašenka miarkuje, što situacyja vakoł Biełarusi najciaśniejšym čynam źviazana i z Rasijaj. «Prablemy niepadzielnyja: našy prablemy — heta i vašy prablemy, a vašy prablemy — heta našy prablemy, — skazaŭ Łukašenka.
— Hety cisk na Biełaruś, jaki daloka nie abyjakavy dla Rasijskaj Fiederacyi, naturalna, heta cisk i na Rasijskuju Fiederacyju, u jakoj i tak prablem dastatkova».
«Tamu hety kłubok prablem, jakija składajucca vakoł nas, pierš za ŭsio tyčacca źniešniepalityčnych viedamstvaŭ, upłyvajuć na situacyju ŭ Biełarusi i, naturalna, Rasii, jany nas nie turbavać nie mohuć», - padkreśliŭ biełaruski lidar.
Łukašenka vykazaŭ pažadańnie, kab hetaja tema była abmierkavana biełaruskim i rasijskimi bakami, i «my pryjšli da niejkaj adzinaj pazicyi i razam mahli vyrazna dziejničać u adzinym klučy». «Prablema jość, jaje treba vyrašać», — dadaŭ kiraŭnik biełaruskaj dziaržavy, źviarnuŭšy ŭvahu na važnaść sustreč u Minsku dla vypracoŭki napramkaŭ dziejańniaŭ.
Što tyčycca dvuchbakovych biełaruska-rasijskich adnosin, to Alaksandr Łukašenka padkreśliŭ, što naściarožvajučyja prablem u adnosinach niama naohuł.
«My pačynajem novy hod u pryncypie biez prablem u našych adnosinach, navat drobnych. My damovilisia pa ŭsich pytańniach», - skazaŭ jon. Na jaho dumku, kali b usie ministerstvy i viedamstvy z abodvuch bakoŭ pracavali tak, jak ministerstva zamiežnych spraŭ i abarony, u dźviuch dziaržaŭ naohuł nie było b nijakich prablem.
Alaksandr Łukašenka pieradaŭ samyja dobryja słovy padtrymki prezidentu Rasii Uładzimiru Pucinu.
«Ja baču, nakolki ŭ jaho zaraz hrafik nasyčany, u asnoŭnym u ciažkim rehijonie na Uschodzie, i fizična, i ŭ płanie adlehłaści», — skazaŭ biełaruski lidar. Jon taksama paprasiŭ pieradać dobryja pažadańni Dźmitryju Miadźviedzievu.
