Prezident Ukrainy Piatro Parašenka vyrašyŭ prysvoić zvańnie Hieroja Ukrainy ŭsim Hierojam Niabiesnaj sotni.
Pra heta paviedamiŭ pres-sakratar Prezidenta Ukrainy Śviatasłaŭ Cehołka ŭ svaim Twitter.
«Prezident Ukrainy pryniaŭ rašeńnie prysvoić zvańnie Hieroja Ukrainy ŭsim Hierojam Niabiesnaj Sotni. Pra heta jon paviedamiŭ svajakam zahinułych», — napisaŭ jon.
Raniej Parašenka zaćvierdziŭ statut i malunak znaka ordena «Hierojaŭ Niabiesnaj sotni».
Nahadajem, va Ukrainie siońnia adznačajuć hod z pačatku padziej na Majdanie Niezaležnaści, kali viečaram 21 listapada 2013 hoda tam sabralisia niekalki sotniaŭ aktyvistaŭ z pratestam suprać rašeńnia Kabmina Mikałaja Azarava adkłaści padpisańnie pahadnieńnia ab asacyjacyi Ukrainy ź Jeŭrasajuzam. Nieŭzabavie hetaja akcyja pratestu pierarasła va usieŭkrainskuju masavuju i atrymała nazvu «Jeŭramajdan».
