Jak paviedamili ŭ HUUS Minharvykankama, apieratyŭniki adździeła pa baraćbie z ekanamičnymi złačynstvami spynili hruzavik kala v. Aksakaŭščyna. U im pravozilisia 165 tysiač cyharet ajčynnaj vytvorčaści — na 850 miljonaŭ rubloŭ.
«Jak vyjaviłasia, «cieniavy» handal tytuniovymi vyrabami na terytoryi krainy arhanizavaŭ dyrektar adnoj ź firm, zarehistravanych u Hrodnie. Firma aficyjna zajmałasia tytuniovym biźniesam, adnak častka tavaru nie adlustroŭvałasia va ŭlikovych dakumientach, a realizoŭvałasia pa «šerych» schiemach», — adznačyli ŭ HUUS Minharvykankama.
Cyharety drabniejšymi partyjami pradavalisia ŭ Biełarusi. A hrošy paśla realizacyi za hatoŭku viartalisia dyrektaru firmy. Zatym cyharety kantrabandaj pierapraŭlalisia ŭ Rasiju i krainy Jeŭrasajuza.
Ekanamičny sud Minska aštrafavaŭ dyrektara na 2250000 rubloŭ, u prybytak dziaržavy pajšli 165000 cyharet.
