Servis mikrabłohaŭ Twitter ź niadaŭniaha času ŭvioŭ prasunuty pošuk pa tvitach. Tvity možna šukać pavodle łakacyi i pavodle daty — pačynajučy z samaha pieršaha tvita, napisanaha stvaralnikam servisa Džekam Dorsi 21 sakavika 2006 h. «Naša Niva» prahladzieła pieršyja tvity pra Biełaruś.

Chaj kožny tvit heta tolki 140 znakaŭ, chaj u jaho nie ŭkładzieš šmat słovaŭ, ale za kožnym «ciŭkańniem» u słavutym servisie mikrabłohaŭ možna znajści cikavuju historyju.

Upieršyniu tvit sa słovam «Belarus» apublikavała mikrabłohier z Kalifornii @bakingfairy.

15 lipienia 2006 hoda jana prapanavała ŭ tolki što narodžanym servisie ŭ hulniu dy spytała, jak nazyvajecca stalica Biełarusi. Sapraŭdnaje imia žančyny — Oźlem Ozdenier, jana vałodaje restaranam viehanskaj ježy dy viadzie kulinarny błoh.

Nastupny raz pra Biełaruś u Twitter zhadali tolki praz čatyry miesiacy.

Hałoŭny inžynier bujnoj internet-kramy Wanelo i pa sumiaščalnictvie pradusar elektronnaha duetu Polygroovers  Kanstancin Hredeskoł zaŭvažyŭ, što jaho hurt atrymaŭ ratacyju na radyjo ŭ Biełarusi i Aŭstryi.

Zatym pra Biełaruś pryhadvali ŭ navinach BBC: Anhieła Mierkiel u studzieni 2007 hoda zajaviła, što rašeńnie Rasii spynić pastaŭki nafty praź Biełaruś — nieprymalnaje.

Upieršyniu pra Biełaruś u kiryličnym napisańni tvitnuŭ Aleks Darachovič, front-end raspracoŭšyk veb-studyi «Potok Proyektov».

«Mik Džahier i «Žyvie Biełaruś!», — napisaŭ jon i daŭ spasyłku na videa, dzie muzyka Mik Džahier žadaje kožnamu na Biełarusi pośpiechaŭ va ŭsich prajektach, źviazanych sa svabodaj słova i svabodaj schodaŭ na šlachu da dałučeńnia da Jeŭropy. Videa było zapisanaje napiaredadni «Jeŭrapiejskaha maršu» 2007 hoda.

«Voś my tut skardzimsia, a tym časam: «13-je miesca ŭ śviecie zaniała Biełaruś pa kolkaści karystalnikaŭ internetu ŭ minułym hodzie»,piša jon ža ŭ nastupnym tvicie, dzie zhadvajecca słova «Biełaruś».

Pieršy raz za historyju Twitter litaru Ŭ vykarystaŭ u tvicie Andrej Łazuk, muzyčny žurnalist i art-dyrektar kłuba «Hrafici», taksama viadomy pad ikam Zap4ik. «Chto što viedaje pra Spodek i jak da jaho dabracca? Nia viedaju jak vy adkažacie, prakryčycie ŭ vakno ci što.…» — spytaŭ jon 23 krasavika 2007 hoda. Kali my ŭsio pravilna zrazumieli, to da stadyjona «Spodek» u Katovicy (Polšča) chodziać tramvai 6, 11, 13 i 33. Spadziajemsia, nie spaźnilisia z adkazam!

 

Hieałakacyja źjaviłasia ŭ Twitter źjaviłasia daloka nie adrazu, tamu vyjavić napraŭdu pieršy tvit ź Biełarusi niemahčyma.

Zatoje pieršym tvitam, u jakim było paznačanaje masca publikacyi «Biełaruś» byŭ zapis maskviča Alaksandra Piatrova: «Za miažoj pryhoža i pryjemna», — piša jon i prykładaje fota z Oršy.

Nu a pieršy zapis u tvitery «Našaj Nivy» letam 2009 hoda byŭ takim:

A ci pryhadajecca vy svoj pieršy tvit?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?