Śviežy numar Arche (№ 7—8 za 2014 hod) całkam pryśviečany roznym aśpiektam historyi Zachodniaj Biełarusi ŭ 1921—1939 hh., kali hetaja terytoryja ŭvachodziła ŭ skład Polščy.
«Zachodniebiełaruskaja spadčyna — heta šmat ŭ čym «niazručnaje minułaje». Jano było takim u saviecki čas, a z peŭnymi źmienami dy madyfikacyjami zastajecca i ciapier. Naturalna, dziakujučy vysiłkam akademičnaj supolnaści, asabliva za apošnija 25 hadoŭ, było šmat zroblena dla lepšaha razumieńnia i asensavańnia jak mižvajennaha pieryjadu dy vieraśnioŭskich padziej, tak i asablivaściaŭ dy miesca Zachodniaj Biełarusi ŭ paślavajennaj BSSR. Šmat «biełych plamaŭ», adnak, zastajecca i siońnia,» — piša aŭtar pradmovy da numara, historyk Alaksandr Pahareły.
U numary znajšli adlustravańnie nastupnyja pytańni:
— usprymańnie prablemy Zachodniaj Biełarusi sučaśnikami i siońniašnimi daśledčykami (artykuły Ježy Tamašeŭskaha, Anatola Trafimčyka, Śviatłany Červonnaj, Piatra Cicharackaha);
— nieviadomyja i małaviadomyja staronki historyi biełaruskaha nacyjanalnaha ruchu ŭ Zachodniaj Biełarusi (publikacyi Alaksandra Bystryka i Andreja Vaškieviča, Alaksandra Paharełaha, Anastasii Jurkievič, Andreja Čarniakieviča, Alaksandra Iljina);
— historyja asobnych zachodniebiełaruskich rehijonaŭ i miascovaściaŭ (artykuły Alesia Biełaha, Alaksandra Kaminskaha, Leanida Łaŭreša, Alaksieja Viačorki, Alaksandra Vabiščeviča, Vojciecha Ślašynskaha);
— krytyčna-recenzijnyja materyjały (aŭtarstva Vitala Voranava, Ściapana Sturejki, Iryny Čarniakievič).
Pabačyć poŭny źmiest numara i daviedacca, jak zamović vydańnie, možna na sajcie časopisa Arche.