Unian.net
U Kijevie prachodzić pieršaje pasiadžeńnie Viarchoŭnaj Rady Ukrainy, abranaj na pazačarhovych vybarach.
Partyi «Błok Piatra Parašenki», «Narodny front», «Radykalnaja partyja», «Samapomač» i «Baćkaŭščyna» stvaryli kaalicyju «Jeŭrapiejskaja Ukraina», jakaja abjadnoŭvaje 302 deputataŭ.
U parłamienckich vybarach nie zmahli pryniać ŭdzieł kala 3 młn čałaviek na ŭschodzie Ukrainy i 1,8 młn čałaviek u Krymie.
U suviazi z hetym u Viarchoŭnaj radzie 423 deputaty, a nie 450: nie buduć zaniatyja 27 miescaŭ, vydzielenyja dla deputataŭ pa adnamandatnych akruhach, u jakich nie adbylisia vybary.
Viarchoŭnaja Rada abrała svaim staršynioj 36-hadovaha Uładzimira Hrojsmana, jaki prajšoŭ u parłamient pa śpisie Błoka Piatra Parašenki.
Pierad tym, jak stać deputatam, Hrojsman byŭ vice-premjer-ministram — ministram rehijanalnaha raźvićcia, budaŭnictva i ŽKH, a jašče raniej — meram Vińnicy.
Na praciahu amal dvuch tydniaŭ letam hetaha hoda Hrojsman vykonvaŭ abaviazki kiraŭnika ŭrada.
Čytać taksama: Uładzimir Hrojsman: druhi va ŭradzie staŭ pieršym u parłamiencie
