Kantrakt na pastaŭku najnoŭšych zienitna-rakietnych kompleksaŭ S–400 «Tryumf» zaklučany ź Ministerstvam abarony, paviedamili rasiejskija «Viedomosti».
Usiaho płanujecca pradać 5 dyvizijonaŭ S–400. Suma kantraktu aceńvajecca ŭ bolš čym $3 miljardy.
Rasiejskija ŭłady nijak nie prakamientavali hetuju infarmacyju.
Kitaj, jaki pastupova raźvivaje ŭłasny vajskova-pramysłovy kompleks, u niekatorych siehmientach jašče adstaje ad RF. U 2007 hodzie Rasieja padpisała kantrakt na pastaŭku ŭ Kitaj 15 dyvizijonaŭ S–300MPU–2 i 4 sistemy kiravańnia 83M6Je2. Potym Kitaj pačaŭ rabić svaju kopiju S–300.
Čakałasia, što S–400 trapiać u Kitaj nie raniej za 2016 hod, kali ŭ asnoŭnym buduć zadavolenyja patreby rasiejskaj armii ŭ hetaj technicy. Adnak izalacyja, u jakuju patrapiła Rasieja, pavialičyła zaležnaść Maskvy ad Kitaja, i, vierahodna, pryśpiešyła pastaŭku S–400.
Zaraz u Rasiei stajać na bajavym dziažurstvie 16 dyvizijonaŭ S–400 pa 8 puskavych ustanovak u kožnym. Maksimalnaja dalnaść ahniu kompleksaŭ — 240 km. Kožny S–400 zdolny abstrelvać 36 celaŭ adnačasova.
U Biełaruś S–400 nie pastaŭlalisia. Kitaj atrymaje ich pieršym z zamiežnych krain.
Na siońnia procirakietnaja i procisamalotnaja abarona S–400 ličycca praktyčna nieprabivalnaj.
