Supracoŭnikami adździaleńnia pa narkakantroli i supraćdziejańni handlu ludźmi Frunzienskaha RUUS stalicy sumiesna z bajcami śpiecpadraździaleńnia MUS «Ałmaz» zatrymany 34-hadovy minčanin. Pavodle najaŭnaj infarmacyi, jon, pracujučy kiroŭcam maršrutnaha taksi, raspaŭsiudžvaŭ narkotyki.
Jak paviedamlaje HUUS Minharvykankama,
klijenty padsadžvalisia ŭ taksi va ŭmoŭlenym miescy, atrymlivali dozu ŭ abmien na hrošy i vychodzili na nastupnym prypynku.
Padazravany zatrymany na maršrucie ruchu na skryžavańni vulic Arłoŭskaj i Karastajanavaj. U kiroŭcy i adnaho z pasažyraŭ było znojdzienaje paraškapadobnaje rečyva. Jak pakazała ekśpiertyza, heta asabliva niebiaśpiečnaje psichatropnaje rečyva alfa-PVP.
Doma ŭ kiroŭcy taksi kanfiskavanyja elektronnyja vahi, pryblizna 5 hramaŭ rečyva alfa-PVP, mnostva fasovačnych pakietaŭ.
Ustanoŭlena, što zatrymany znachodziŭsia na ŭliku ŭ narkałahičnym dyspansiery, dzie štomiesiac jamu vypisvali tabletki ad narkatyčnaj zaležnaści. Aprača taho, mužčyna maje sudzimaść za niezakonny abarot narkotykaŭ.
U dačynieńni da padazravanaha raspačataja kryminalnaja sprava.
