Lidskim rajonnym adździełam Śledčaha kamiteta raspačata kryminalnaja sprava pa p. 12 č. 2 art. 139 Kryminalnaha kodeksa Respubliki Biełaruś (naŭmysnaje zabojstva z karyślivych mierkavańniaŭ) u dačynieńni da žychara Baranavickaha rajona Bresckaj vobłaści 1986 hoda naradžeńnia, paviedamlaje pres-słužba Śledčaha kamiteta.
Ustanoŭlena, što 28 listapada ŭ lasnym masivie kala vioski Sialec Lidskaha rajona padazravany, jaki znachodziŭsia ŭ stanie ałkaholnaha apjanieńnia, u chodzie kanfliktu nanios try ŭdary abuchom siakiery pa hałavie miascovaj žycharcy 1970 hoda naradžeńnia, jakaja pracavała pradaŭcom u kramie. Ad atrymanych cialesnych paškodžańniaŭ žančyna pamierła na miescy.
Abšukaŭšy kišeni achviary, padazravany dastaŭ klučy ad kramy, prabraŭsia ŭ handlovuju kropku, paśla čaho vykraŭ zvyš 5 miljonaŭ rubloŭ vyručki i tytuniovyja vyraby. Vychodziačy z kramy, jon sutyknuŭsia z synam zabitaj žančyny.
Pahražajučy chłopcu nažom, źbieh, sieŭšy ŭ dyziel-ciahnik, jaki ruchaŭsia ŭ Baranavicki rajon.
Vyjaviŭšy cieła maci, chłopiec paviedamiŭ ab vypadku ŭ milicyju. Dziakujučy apieratyŭna pryniatym mieram padazravany byŭ zatrymany supracoŭnikami milicyi i źniaty ź ciahnika na stancyi Navajelnia Dziatłaŭskaha rajona.
Uličvajučy charaktar złačynstva, kryminalnuju spravu pryniali da svajoj vytvorčaści śledčyja abłasnoha ŭpraŭleńnia Śledčaha kamiteta, jakija śpiecyjalizujucca na rasśledavańni padobnych supraćpraŭnych dziejańniaŭ.
Z zatrymanym pravodziacca śledčyja dziejańni. Ustanoŭlena, što raniej jon nieadnarazova pryciahvaŭsia da kryminalnaj adkaznaści za karyślivyja złačynstvy.
Vykradzienyja z kramy hrašovyja srodki i cyharety kanfiskavanyja i razam z pryładaj złačynstva pryznanyja śledstvam rečavymi dokazami. Pryznačany šerah ekśpiertnych daśledavańniaŭ. Kančatkovaja pravavaja acenka dziejańniam padazravanaha budzie zroblena paśla zaviaršeńnia rasśledavańnia kryminalnaj spravy.