U Aščadbanku prodažy abmiežavany sumami $5 tysiač i €5 tysiač ŭ adny ruki, u Rosbanku, «Urałsibu» i Rajffajzienbanku ŭstanoŭleny bolš žorstkija limity.
Abvał rubla, jaki praciahvajecca, spravakavaŭ deficyt najaŭnaj zamiežnaj valuty ŭ adździaleńniach bankaŭ. «Iźviestija» apytali top-30 bankaŭ pa aktyvach i vyśvietlili, što kredytnyja arhanizacyi ŭviali limity na prodaž valuty ŭ adny ruki. Sumy ŭ $10 tysiač i €10 tysiač ź ciažkaściu možna nabyć navat u najbujniejšych bankach, a, naprykład,
u Alfa-banku valutu naohuł nie pradajuć, u Rosbanku ŭstalavany limit na kuplu valuty ŭ pamiery $1tysiačy, u Rajffajzienbanku valutu možna zakupić tolki na 100 tysiač rasijskich rubloŭ, Sicibank pradaje valutu tolki svaim klijentam.
1 śniežania navinavyja ahienctvy nie paśpiavajuć za chodam tarhoŭ na valutnaj siekcyi Maskoŭskaj biržy, k 13.40 pa maskoŭskim časie kurs jeŭra, u pryvatnaści, znoŭ upieršyniu ŭ historyi prabiŭ adznaku ŭ 65 rubloŭ (65,08 rubla). Kurs dalara na tuju ž adznaku — 52,17 rubla. Dalar i jeŭra ŭmacoŭvajucca na fonie padzieńnia koštaŭ na naftu nižej za ŭzrovień u $70 za barel. Aficyjnyja kursy CB RF na 2 śniežnia — 51,81 rubla za dołar (+2,48 rubla), 64,44 rubla za jeŭra (+3,03 rubla). Kursy ŭ bankach u siarednim na dva rubli pieravyšajuć značeńnia ŭ CB.
Na biahučy momant najbujniejšyja rasijskija banki adčuvajuć deficyt najaŭnaj valuty: karespandenty apytvali koł-centry (ci kankretnyja adździaleńnia ŭ vypadku adsutnaści adzinych koł-centraŭ) i daviedvalisia pra mahčymaść pamianiać $10 tysiač abo €10 tysiač u adździaleńniach bankaŭ. Kali 10 tysiač nie znachodziłasia, karespandenty źnižali płanku svaich ambicyj.
Vyśvietliłasia, što ź pieršaj dziasiatki rasijskich bankaŭ nie atrymajecca kupić valutu ŭ Alfa-banka (7-je miesca). U koł-centry banka paviedamili, što nabyć u adździaleńniach valutu naohuł nielha: pa praviłach banka mahčymaja tolki kanviertacyja valut pamiž rachunkami, to jość abmien dastupny tolki dla klijentaŭ.
— Nieabchodna adkryvać biahučy rachunak u ramkach pakieta pasłuh. Kali b u vas byŭ adkryty rachunak, to vy prosta ŭnosili b na rachunak nieabchodnuju sumu i zdymali b jaje ŭžo ŭ inšaj valucie. Niama takoha, što kupla-prodaž adbyvajecca ŭ kasie, jość tolki kanviertacyja praz rachunak, — skazała apieratar Alfa-banka. Jana nie zmahła skazać, kali takoje praviła było ŭviedziena.
U Aščadbanku (1-y pa aktyvach) bolš $5 tysiač i €5 tysiač nabyć nielha. U Junikredytbanku (9-je miesca pa aktyvach) pa telefonie admovilisia paviedamić, ci jość u najaŭnaści ŭ kasach adździaleńniaŭ $10 tysiači €10 tysiač, paraiŭšy na ŭdaču źviarnucca ŭ adździaleńnie z pašpartam — to bok nie fakt, što klijent zmoža kupić patrebnuju sumu, navat naviedaŭšy ofis banka.
U Rosbanku (13-je miesca) i «Urałsibu» (19-je miesca) paviedamili, što biez papiaredniaha zakazu možna kupić tolki sumy da $1 tysiačy i da €1 tysiačy.
Kab kupić bolš valuty, pryjdziecca čakać sutki — pakul nieabchodnuju sumu dastaviać u bližejšy da klijenta adździaleńnie banka.
U Rajffajzienbanku (12-y pa vieličyni) kažuć, što možna kupić valutu na sumu, jakaja nie pieravyšaje 150 tysiač rasijskich rubloŭ, bolš značnuju sumu možna kupić tolki pa papiaredniaj zamovie. U Sicibanku (21-je miesca) valutu zmohuć kupić tolki klijenty kredytnaj arhanizacyi, hramadzianie «z vulicy» nabyć dalary i jeŭra nie zmohuć. Jak rastłumačyli «Iźviestijam» u banku, takija dziejučyja praviły kredytnaj arhanizacyi. Kali jany byli ŭviedzienyja, u koł-centry banka nie zmahli ŭdakładnić. Pry hetym sumu ŭ $10 tysiač i €10 tysiač u banku kupić možna.
Načalnik analityčnaha ŭpraŭleńnia Banka BKF Maksim Asadčy kaža, što
deficyt najaŭnaj valuty — vynik zakanamiernaj reakcyi nasielnictva na abvalnuju devalvacyju rubla (z pačatku hoda devalvavaŭsia bolš čym na 50%).
Pa słovach surazmoŭca, u papiaredni kryzis 2008-2011 hadoŭ banki indyvidualna ŭstaloŭvali limity na prodaž valutu — peŭnaj adzinaj płanki nikoli nie było. Namieśnik staršyni kamiteta Dziarždumy pa finrynku Anatol Aksakaŭ kaža, što biahučaja situacyja bojazi nie vyklikaje — u mnohich bankach možna kupić patrebnuju sumu. Praŭda, kurs u ich moža być nie samym vyhadnym.
Varta adznačyć, što partyja «Kamunisty Rasii» prapanuje ŭvieści limit na prodaž hatoŭki hramadzianam. Lidar partyi Maksim Surajkin prapanoŭvaŭ ŭstanavić u Rasii abmiežavańnie na kuplu valuty fizičnym asobam sumaj u $500 u miesiac, abo ekvivalentam dadzienaj sumy ŭ inšych valutach, u pryvatnaści ŭ jeŭra.
10 listapada kiraŭnik Banka Rasii Elvira Nabiulina zajaŭlała, što CB časova abmiažuje pradstaŭleńnie rublovaj likvidnaści. «My časova abmiažujem pradstaŭleńnie rublovaj likvidnaści, tamu što jana vykarystoŭvajecca nie tolki dla finansavańnia ekanomiki, ale i dla hulni na valutnym rynku», — skazała Nabiulina. Paźniej prezident Rasii Uładzimir Pucin zajaviŭ, što rubiel zaznaŭ «spekulatyŭnyja napady», adnak situacyja chutka budzie narmalizavanaja, a śpiekulanty pakaranyja: «Kali CB prytrymaje peŭnuju likvidnaść, to, biezumoŭna, pakaraje śpiekulantaŭ, jakija padrychtavalisia da dalejšych śpiekulatyŭnych dziejańniaŭ».
