Alaksandr Łukašenka aburany bieschrybietnaściu ŭrada Biełarusi z-za niemahčymaści vyrašyć pytańnie z Rasijaj pa pastaŭkach biełaruskaj pradukcyi.
Pra heta jon zajaviŭ siońnia na naradzie ab pryniatych mierach pa źniaćci zabaronaŭ na ŭvoz biełaruskaj pradukcyi ŭ Rasijskuju Fiederacyju i tranzit tavaraŭ sankcyjnaha śpisu.
«Majo abureńnie vyklikała nie tolki pavodziny Rasii, ale i bieschrybietnaść našaha ŭradu, jaki čarhovy raz vyvodzić dochłyja prablemy na prezidenta», — skazaŭ Alaksandr Łukašenka.
«Vy mianie pierakonvali ŭ tym, što prablem niama. Z Dankviertam damovilisia. Dzie hetyja damoŭlenaści?» — zadaŭ pytańnie Łukašenka.
Łukašenka nahadaŭ, što daručaŭ asabista Michaiłu Rusamu zabiaśpiečyć kantrol za cenaŭtvareńniem i prodažam charčovych tavaraŭ. «I vy za heta siońnia mnie adkažacie!» — skazaŭ kiraŭnik dziaržavy, źviartajučysia da vice-premjera.
Kiraŭnik dziaržavy adznačyŭ, što tydzień tamu im byli dadzienyja kankretnyja daručeńni ŭradu apieratyŭna vypracavać dziejsnyja miery pa ŭrehulavańni situacyi i źniaćci zabaronaŭ i abmiežavańniaŭ na pastaŭki ŭ Rasiju i tranzit pa jaje terytoryi. Taksama było pastaŭlena pytańnie pa supraćdziejańni takoj palityki z boku Rasijskaj Fiederacyi.
«Peŭnym asobam ja patelefanavaŭ asabista i pastaviŭ im zadaču. Ja chaču siońnia pačuć, jak vykanana majo daručeńnie», - skazaŭ kiraŭnik dziaržavy.
«Niasprytnaść i pasiŭnaść z boku našych ministerstvaŭ, kiraŭnikoŭ pradpryjemstvaŭ, hubiernataraŭ i ŭrada mianie prosta dzivić!
Čaho čakali try miesiacy? Čamu adrazu nie prapanavali našym partnioram detalova razabracca pa sutnaści prablem, čamu nie zdymali apieratyŭna pytańni?
U svaich dakładach vy bojka adkidajem ŭsie abvinavačvańni ŭ svoj adras, a dzie vaš zapał za stałom pieramovaŭ?» — źviarnuŭsia Łukašenka da prysutnych.
