Złamyśniki nie raźličyli dozu ślezaciečnaha hazu, zanadta šmat raspylili jaho ŭ budynku banka, i tym samym asudzili zadumanaje rabavańnie na pravał. Ź miesca złačynstva jany źbiehli biez zdabyčy.
Pavodle papiaredniaj infarmacyi, adzin z nalotčykaŭ aformiŭ u hetym banku kredyt i časta byvaŭ tam, pakolki prychodziŭ rabić płaciažy. Jon dobra viedaŭ, jak raźmieščany pamiaškańni, i dzie znachodzicca piersanał banka.
Hora-rabaŭniki, kali raspylili ŭ banku haz, raźličvali vyklikać paniku ŭ naviednikaŭ i supracoŭnikaŭ. Zhodna z płanam złamyśnikaŭ usie pavinny byli vybiehčy z pamiaškańnia, a jany tym časam uzbahacicca, nabiŭšy sumki hrašyma. Adnak u vyniku rabaŭniki vymušany byli biehčy z pustymi rukami, pakolki kancentracyja ślezaciečnaha hazu apynułasia zanadta vialikaj navat dla takich śmiełych maładych ludziej.
Druhaja niaŭdača napatkała ich krychu paźniej, kali vyśvietliłasia, što adna z supracoŭnic nacisnuła tryvožnuju knopku. U dadzieny momant nalotčyki zatrymany, suprać ich raspačata kryminalnaja sprava.
