Na fota: idzie abstreł zachoplenaha partyzanami Doma druku. Adnosna anałahičnych padziej u Adesie rasijskija ŚMI pisali: «pratestoŭcaŭ palili žyŭcom».
Śpiecapieracyja, jakaja idzie ŭ centry Hroznaha, budzie zavieršana da ranicy, abiacaŭ u svaim «Instahramie» kiraŭnik Čačni Ramzan Kadyraŭ, zaklikaŭšy žycharoŭ horada zachoŭvać spakoj. Adnak pa stanie na ranicu boj praciahvaŭsia. Jon pieramiaściŭsia z budynku Doma Druku ŭ susiedniuju škołu.
Čytajcie taksama:
Antyterarystyčny kamitet: Usie bajeviki-napadniki ŭ Domie druku ŭ Hroznym źniščanyja
Bajeviki, jakija napali na siłavikoŭ u Hroznym, uvachodziać u hrupoŭku Asłana Biutukajeva
U noč na čaćvier u centry Hroznaha hrupa ŭzbrojenych ludziej atakavała palicyjantaŭ.
Paźniej uzbrojenaja hrupa zachapiła Dom druku ŭ Hroznym, dzie mieściacca redakcyi ŚMI. Jašče paźniej unačy bajeviki zaniali susiedniuju škołu, dziaciej tam u hety čas nie było.
U centry čačenskaj stalicy byŭ abvieščany režym kontrterarystyčnaj apieracyi. U horad uvajšli BTRy.
Budynak Doma druku byŭ całkam akružany. Da miesca zdareńnia źjechalisia pradstaŭniki praktyčna ŭsich siłavych struktur Čačenskaj respubliki.
Pavodle infarmacyi pres-słužby MUS Čačni, u Domie druku ŭ centry Hroznaha zastajucca zabłakavanymi da šaści bajavikoŭ.
Jak zajaviŭ čačanski lidar, u horadzie abstanoŭka spakojnaja, pracujuć usie słužby zabieśpiačeńnia.
«Ja prašu žycharoŭ horada ŭ zonie praviadzieńnia apieracyi vykonvać miery zaściarohi, biez asablivaj patreby nie vychodzić na vulicy, nie padychodzić da voknaŭ. Z nadychodam ranicy apieracyja budzie zavieršana», — napisaŭ Kadyraŭ na svajoj staroncy ŭ sacsietcy.
Siońnia Uładzimir Pucin maje vystupić sa zvarotam da Fiederalnaha schodu Rasii. Bajeviki vybrali dla napadu mienavita noč pierad hetaj dataj.
