Alaksandr Łukašenka padkreśliŭ, što dla złačyncaŭ u narkaśfiery nieabchodna stvarać maksimalna žorstkija ŭmovy ŭ miescach adbyćcia terminaŭ.
«Dla ich treba stvaryć nievynosnyja ŭmovy ŭ miescach adbyćcia hetych terminaŭ. Kali ŭ nas ich šmat, ja nie dumaju, što ich u nas šmat, kab stvarać im asobnuju kałoniju, ale kali šmat, davajcie adnu z kałonij adškadujem dla hetaha. Tym bolš što my napałovu skaracili siadzielcaŭ u miescach pazbaŭleńnia voli, kałonij chapaje siońnia. Kali ŭ nas nie chapaje takich ludziej na adnu kałoniju, davajcie adno padraździaleńnie, kazarmu ci jašče niešta ŭ kałonii strohaha režymu, ustanovim im taki režym, kab jany, siedziačy ŭ hetaj kałonii, prosta skažu, śmierci prasili. Toje ž samaje i dla raspaŭsiudžvalnikaŭ», — padkreśliŭ Alaksandr Łukašenka.
Što tyčycca tych, chto dałučyŭsia da spažyvańnia narkotykaŭ, to ich treba lačyć.
«Tak, ich škada, z adnaho boku, ale ich treba lačyć. Ale nie ŭ špitali, tam, dzie narmalnyja ludzi lečacca, a ŭ takich ža prafiłaktoryjach, kab u jaho nie było času dumać pra niešta aprača snu i pracy. A to ŭ nas niekatoryja ŭ turmu chodziać pa 10—15 razoŭ, jak u damy adpačynku», — adznačyŭ jon.
