Kiraŭnictva AAT «Biełaruśkalij» praviało pieramovy pra adnaŭleńnie ekspartu ŭhnajeńniaŭ na amierykanski rynak, paviedamiŭ hiendyrektar kampanii Ivan Hałavaty na adnoj z vytvorčych narad.
Pavodle jaho słoŭ, pieramovy z amierykanskim bokam prajšli ŭ miežach biełaruska-brytanskaha inviestycyjnaha forumu ŭ Łondanie 14 listapada, paviedamlaje viedamasnaja hazieta «Kalijŝik Solihorska».
Varta adznačyć, što raniej biełaruskija kalijnyja i azotnyja ŭhnajeńni ekspartavalisia ŭ tym liku i ŭ ZŠA, adnak u apošnija hady pastaŭki spynilisia. Heta adbyłosia paśla taho, jak u 2007—2008 hadach Złučanyja Štaty ŭviali sankcyi ŭ dačynieńni da kancerna «Biełnaftachim», u skład jakoha ŭvachodziŭ «Biełaruśkalij». Sankcyi praduhledžvajuć zamarožvańnie ŭsich bankaŭskich rachunkaŭ kancerna, jakija znachodziacca pad jurysdykcyjaj ZŠA. Ich uviadzieńnie amierykanskija ŭłady matyvavali parušeńniem pravoŭ čałavieka ŭ Biełarusi. Pradstaŭniki «Biełnaftachima» ŭ suviazi z hetym zajaŭlali pra admovu ad raźlikaŭ u dołarach i pierahladzie svaich rynkaŭ zbytu.
U sakaviku hetaha hoda ŭrad Biełarusi pryniaŭ pastanovu ab vyklučeńni «Biełaruśkalija» ź liku arhanizacyj kancerna «Biełnaftachim».
AAT «Biełaruśkalij» — adzin z najbujniejšych vytvorcaŭ i eksparcioraŭ kalijnych uhnajeńniaŭ u śviecie. Pavodle danych Mižnarodnaj asacyjacyi ŭhnajeńniaŭ, na jaho dolu prychodzicca siomaja častka suśvietnaha abjomu vytvorčaści kalijnych uhnajeńniaŭ. U 2014 hodzie kampanija płanuje pradać kala 10,3 młn. ton minieralnych uhnajeńniaŭ, u tym liku bolš za 9 młn. ton — pastavić na ekspart.
