president.gov.by
Biełaruś vystupaje za admienu jakich by tam ni było sankcyj, bo jany naŭprost adbivajucca na ŭzroŭni žyćcia prostych ludziej.
Ab hetym zajaviŭ Alaksandr Łukašenka siońnia na cyrymonii ŭručeńnia davierčych hramat.
Kiraŭnik dziaržavy padkreśliŭ, što 2014 hod staŭ adnym z samych składanych u suśvietnaj palitycy za apošnija niekalki hadoŭ.
«Niekatoryja dziaržavy imknucca ŭpłyvać nie tolki na rehijanalnyja pracesy, ale i sprabujuć źmianić hłabalny bałans sił», — zaŭvažyŭ jon.
Pavodle jaho słoŭ, «vynik u najaŭnaści — rost napružanaści ŭ śviecie, źnižeńnie davieru da partnioraŭ, sankcyjnaje supraćstajańnie».
«Biełaruś całkam padtrymlivaje raŭnapraŭnaje supracoŭnictva pamiž krainami, pazbaŭlenaje cisku i prymusu, — adznačyŭ Alaksandr Łukašenka. — My vystupajem za admienu jakich by tam ni było sankcyj. bo jany naŭprost adbivajucca na ŭzroŭni žyćcia ludziej».
Na dumku Łukašenki, składanaść sučasnaj situacyi, źnižeńnie roli mižnarodnych arhanizacyj u vyrašeńni suśvietnych prablem pavyšajuć značnaść dvuchbakovych suviaziaŭ, družby i kanstruktyŭnaha supracoŭnictva pamiž dziaržavami.
«U hetym płanie naša kraina nastrojena na aktyŭnuju pracu», - skazaŭ kiraŭnik dziaržavy. Jon vykazaŭ nadzieju, što i dziejnaść dypłamataŭ budzie sadziejničać umacavańniu ŭzajemavyhadnych suviaziaŭ pamiž Biełaruśsiu i krainami, ź jakich jany prybyli. Jak skazaŭ Alaksandr Łukašenka, siońnia na cyrymonii svaje dziaržavy pradstaŭlajuć dypłamaty amal z usiaho śvietu.
