Biełaruskaje palityčnaje pole paśla razhromnaha 19 śniežnia 2010 hoda źjaŭlajecca vypalenaj ziamloj. Na luboje dziejańnie ŭłada reahuje chvaravita, jak vampir na soniečnaje śviatło. Ale siła dziejańnia roŭnaja supraćdziejańniu, i palityčnaja sutnaść čałavieka ŭsio roŭna znachodzić vychad u inšych śfierach socyumu.
Bolšaj častkaj heta s*ačy na forumach i ŭ kamientarach. Ale kanapavyja kamientatary nie zamieniać nam hramadzianskaj supolnaści i aktyvistaŭ.
Usie aŭtarytarnyja i tatalitarnyja režymy padajuć — i Biełaruś nie vyklučeńnie. Viadoma, za 20 hadoŭ šmat kamu moža padacca, što čas spyniŭsia, i pieramieny nie pryjduć nikoli. Takoje mierkavańnie nievierahodna niebiaśpiečnaje, bo hramadstva, zamiest padrychtoŭki da vialikich histaryčnych padziej, rochlaj razvalvajecca va ŭtulnieńkich pakojčykach šerych panelnych chatak. Biełarusi nieabchodnaja nie źmiena ŭłady, a źmiena režymu ŭłady, inakš my budziem bačyć biaskoncy parad Łukašenak na prezidenckim kreśle.
Kali pahladzieć na hałoŭnuju prablemu postrevalucyjnych tavarystvaŭ, to ŭsiudy paŭstaje adno pytańnie — chto ŭznačalić pieramieny? Kadry, kadry, kadry. Luby razumny čałaviek vystupaje za toje, kab sotni i tysiačy karupcyjanieraŭ, nieefiektyŭnych saŭkoŭ syšli z ułady. A chto ž siadzie na ich miesca? Značyć, nacyjanalna-demakratyčnamu ruchu patrebnaja svaja armija mieniedžaraŭ roznaha źviana, zdolnaja kiravać pracesami roznaj składanaści. Vydatnaj padrychtoŭkaj dla nas mohuć pasłužyć hramadzianskija kulturna-sacyjalnyja prajekty. Pa-pieršaje, za ich pakul nie sadžajuć. A pa-druhoje, vy niesiacie karyść, a nie tolki «vajujecie» ŭ kamientarach.
Kali chtości daŭno haryć žadańniem narešcie ŭklučycca ŭ hramadska-karysnuju pracu, partał 1863x.com padrychtavaŭ dla vas chit-parad prajektaŭ, u jakich možna paŭdzielničać. Vybirajcie na luby hust:
1. «Art-Siadziba».
Adzin z samych dziejsnych za apošni čas hramadzianskich prajektaŭ, jaki staić za mnohimi karysnymi mierapryjemstvami. Jany arhanizoŭvajuć Dni vyšyvanki, razdajuć kiłamietry nacyjanalnych stužačak, pravodziać raznastajnyja dabračynnyja kancerty i adukacyjnyja mierapryjemstvy. Kali chočacie pravieści svaje kursy, akcyi, sieminary, kinapakazy i inšyja zajmalnyja rečy, to śmieła źviartajciesia da hetych ludziej.
2. «Budźma biełarusami».
Hramadzianskaja kulturnaja inicyjatyva «Budźma biełarusami» pracuje ŭžo šosty hod zapar. Za hety čas jany praviali kala 5 tysiač mierapryjemstvaŭ u 220 nasielenych punktach Biełarusi. Bo nie adnym Minskam Biełaruś žyvie: nieści inicyjatyvy ŭ rehijony — adna z najvažniejšych i najskładaniejšych rabot.
3. «Talaka.by»
Najlepšy kraŭdfandynhavy resurs, na jakim sabranyja prajekty samaj roznaj nakiravanaści. Chočacie — achviarujcie hrošy. Chočacie — dałučajciesia i biaryciesia pracavać dziela ŭpadabanaj idei. Možacie zrabić i svoj prajekt, pryciahvajučy resursy i vałancioraŭ. Kraŭdfandynh — vielmi słaboje źviano biełaruskaha hramadstva, ale bieź jaho my nie atrymajem efiektyŭnych vynikaŭ u budučyni.
4. Pošukava-vyratavalny atrad «Anioł».
Napeŭna, samaja efiektyŭnaja i karysnaja hramadzianskaja inicyjatyva, jakaja nie datyčyć kultury ci palityki. Za niekalki hadoŭ isnavańnia jany zmahli pabudavać dziejsnuju sistemu pošuku źnikłych ludziej, časta pracujučy sumiesna ź dziaržaŭnymi orhanami. Dziakujučy im znojdziena mnostva źnikłych ludziej. Inicyjatyvie patrebnaja lubaja dapamoha — hrošy, technika, vałanciorstva, a časam radyjotechničnaja kansultacyja.
5. Kursy vyvučeńnia biełaruskaj movy.
Samy pryjemny trend 2014 hoda — heta papularyzacyja našaj rodnaj movy i źjaŭleńnie ŭsio novych i novych prajektaŭ pa jaho vyvučeńniu. Voś samyja papularnyja:
«Movavieda»
Štočaćvier a 19-j hadzinie ŭ Miensku,
vuł. Francyska Skaryny, 12, biznes-centar «Valea», 3 pavierch, kanferenc-zala.
Nieŭzabavie kursy adčyniać filijał u Horadni.
«Moŭnyja sustrečy»
Štosierady a 18.30 u Art Siadzibie (Miensk, pr. Niezaležnaści, 58, ofis 430)
Vykładčyki: Vincuk Viačorka, Piotra Sadoŭski, udzielničali taksama Źmicier Saŭka, Lavon Barščeŭski.
«Mova Nanova»
Štopaniadziełka a 19 hadzinie ŭ Halerei «Ŭ» (pr. Niezaležnaści, 37a) — kursy «Mova Nanova» dla darosłych.
Štoniadzieli a 10:30 i 11:30 — zaniatki «Mova Nanova» dla dzietak.
Vykładčyki: Hleb Łabadzienka, Alesia Litvinoŭskaja, Alena Cieraškova, a taksama zaprošanyja hości i muzyki.
«Mova TUT»
Halereja TUT.BY pa adrasie: praśpiekt Dziaržynskaha, 57, 9 pavierch. Usie pytańni što da kłubu dasyłajcie na adras [email protected].
Pakolki ŭłady Biełarusi plavać chacieli na pravy žyvioł i prablemu biazdomnych sabak i katoŭ, ciažkaja noša vyratavańnia našych lubimych istot lehła na plečy zvyčajnych hramadzian. Adzin z samych niabačnych frantoŭ pracy, jaki ciahniecca čaściakom na plačach dalikatnych i pryhožych dziaŭčat. Im vielmi patrebnaja vaša dapamoha.
7. Tavarystva Biełaruskaj Movy.
Adna z najstarejšych hramadzianskich arhanizacyj Biełarusi. Dziejničaje z 1989 hoda i naličvaje bolš za šeść tysiač siabroŭ. Metaj stavić abaronu pravoŭ biełaruskaj movy i jaje raspaŭsiud. Aktyŭna zmahajecca za adkryćcio biełaruskamoŭnych škoł i kłasaŭ. U arhanizacyi składajecca mnostva intelektualnaj i kulturnaj elity demakratyčnaj Biełarusi.
8. «Ježa zamiest bombaŭ».
Možna pa-roznamu stavicca da anarchičnaha ruchu, ale sproby biełaruskaj milicyi zabaranić razdavać biazdomnym ježu vielmi razdražniajuć. Zdajecca, takaja banalnaja drobiaź dla ŭsiaho śvietu, a ŭ nas jana pieratvarajecca ŭ cełuju palityčnuju prablemu. Kali vam nieabyjakavyja prablemy biazdomnych ludziej, tady možacie dałučycca da hetaj inicyjatyvy.
9. «Achova Ptušak Baćkaŭščyny».
Dadzienaja arhanizacyja zajmajecca nie tolki achovaj ptušak, ale i zachavańniem pryrodnych ekasistem, zmahajecca suprać źniknieńnia bałot i nieracyjanalnaha vykarystańnia pryrodnych resursaŭ. APB źjaŭlajecca najbujniejšaj niekamiercyjnaj pryrodaachoŭnaj arhanizacyjaj. Kali chočacie žyć u čystaj i ekałahičnaj krainie — dałučajciesia.
10. Street Workout
Heta chaatyčny ruch spartsmienaŭ, jaki vystupaje za spartovy ład žyćcia, pry jakim nie abaviazkova hadzinami pravodzić čas u spartzałach. Dastatkova budzie turnička ŭ vašym dvary. Stvaryć svaju vuličnuju trenirovačnuju hrupu vielmi prosta — patrebnyja vy i jašče, jak minimum, adzin čałaviek. Razumnym biełarusam nie chapaje kultu aktyŭnaha sportu, tamu z hetaj inicyjatyvy lahčej za ŭsio pačynać svoj hramadzianskaje ruch.
Naturalna, što isnuje jašče vialikaja kolkaść inšych karysnych inicyjatyŭ. Niechta dapamahaje dzieciam, niechta zmahajecca suprać narkamanii, niechta vozić rečy ŭ dziciačy dom. Vielmi važnaja praca ŭ rehijonach, bo na adnym Minsku Biełaruś nie vyjedzie. Pišycie ŭ kamientarach vašy varyjanty karysnych prajektaŭ.
