Takoje rašeńnie indyjski bok pryniaŭ na pasiadžeńni sumiesnaj Biełaruska-indyjskaj kamisii pa supracoŭnictvie ŭ halinie navuki i techniki, jakoje prachodziła ŭ Ńju-Deli, paviedamili ŭ pres-słužbie MZS Biełarusi.
Vyznačany pieršyja piać maładych biełaruskich vučonych, jakija z sakavika 2015 hoda pačnuć stažyravacca i buduć udzielničać u navukova-daśledčych rabotach u pieradavych navukovych centrach Indyi.
Akramia taho, vyrašana pravieści ŭ 2015 hodzie dva sumiesnyja navukova-praktyčnyja sieminary ŭ pierśpiektyŭnych dla abodvuch bakoŭ halinach: infarmacyjnyja technałohii i kibierbiaśpieka, nanatechnałohii i nanamateryjały.
Pa vynikach pasiadžeńnia padpisany pratakoł sumiesnaj kamisii i Vykanaŭčaja prahrama biełaruska-indyjskaha supracoŭnictva ŭ halinie navuki i techniki na 2015-2017 hady. Baki płanujuć pravodzić sumiesnyja navukovyja sieminary, sadziejničać tranśfieru technałohij i abmienu infarmacyjaj, padtrymlivać vizity vučonych. Dla sumiesnaha vykanańnia i finansavańnia zaćvierdžana 9 navukova-daśledčych prajektaŭ u takich halinach, jak bijainfarmatyka i bijatechnałohii, nanatechnałohii i nanamiedycyna, fatonika, ekałohija i racyjanalnaje pryrodakarystańnie, adnaŭlalnyja krynicy enierhii.
Baki taksama damovilisia prapracavać praviadzieńnie poŭnamaštabnych Dzion navuki Biełarusi ŭ 2015 hodzie ŭ Indyi ŭ chodzie Indyjskaha mižnarodnaha handlovaha kirmašu.
Biełaruski bok na pasiadžeńni sumiesnaj kamisii ŭznačaliŭ hienieralny dyrektar DNVA paraškovaj mietałurhii NAN Biełarusi Alaksandr Iljuščanka, indyjski — sustaršynia, načalnik upraŭleńnia mižnarodnaha supracoŭnictva Ministerstva navuki i technałohij Arabinda Mitra.
