Zhodna, ź imi na płatformie mietrapalitena nielha biehać, nielha i stajać u słuchaŭkach.
Pry kancy minułaha tydnia karystalnica Tvitar paviedamiła, što jaje siabroŭku aštrafavali za słuchaŭki ŭ mietro. U internecie ŭźniaŭsia šum.
Žurnalisty stali praviarać infarmacyju. Vyjšli na 15-hadovuju minčanku, jakaja raskazała, što joj daviałosia apłacić štraf u 150 tysiač rubloŭ. Kvitancyju ab apłacie štrafu, ź jaje słovaŭ, joj nie davali. U razmovie dziaŭčyna apisvała vyhlad mužčyny, jaki pavioŭ jaje ŭ adno z pamiaškańniaŭ mietro.
Adnak praź niekalki dzion zapis pra zdareńnie sa stužki Tvitaru vydalili, vyśvietliŭ Tut.by. Stała viadoma, što ź dziaŭčynaj sustrakalisia pradstaŭniki UUS achovy mietrapalitena.
Pa situacyi idzie raźbiralnictva. Nie vyklučana, što ŭsia historyja była prydumanaja.