Apieratyŭna-analityčny centr pry prezidencie Biełarusi pryniaŭ rašeńnie ab vyklučeńni Onliner.by z rejestra nacyjanalnaj damiennaj zony za parušeńnie zakanadaŭstva ab handlu. Pra heta paviedamlena na sajcie AAC.
«U suviazi z vyjaŭlenymi Ministerstvam handlu Respubliki Biełaruś parušeńniami uładalnikam internet-resursu onliner.by zakanadaŭstva ab handli, u tym liku taho, jakoje rehuluje paradak realizacyi tavaraŭ (rabot, pasłuh) z vykarystańniem sietki Internet, i niepryniaćci ŭ raniej ustanoŭlenyja terminy mier pa ich likvidacyi, 20 śniežnia 2014 pryniata rašeńnie ab vyklučeńni adpaviednaha damiennaha imia z rejestra nacyjanalnaj damiennaj zony».
Hałoŭny redaktar Onliner.by Dzianis Blišč pakul nie moža prakamientavać situacyju:
Onliner.by byŭ, poruč z Tut.by, najbolš naviedvanym biełaruskim internet-partałam. Jon nie pisaŭ na palityčnyja temy.
Jon uźnik na bazie papularnaj płatformy internet-kramaŭ. U svajoj infarmacyjnaj častcy jon vyčarpalna aśviatlaŭ temy hramadstva i ekanomiki.
Zasnavalnik Tut.by (u skład jakoha ŭvachodzić i handlovaja placoŭka Kupi.Tut.by) Juryj Zisier tak prakamientavaŭ situacyju:
«Z paviedamleńniaŭ nie vielmi zrazumieła, što mienavita jany parušyli. Upeŭnieny, što im usio viernuć. Momant dla represij tolki abrany dziŭny: u lepšyja handlovyja dni hoda. Nie viedajučy dakładna pryčynu zakryćcia, nie biarusia pradkazać los inšych handlovych placovak i navinavych sajtaŭ. Na sajcie AAC visić navina, ź jakoj vidać, što byli niejkija parušeńni pa linii Minhandlu. Upeŭnieny, jany papraŭnyja».
***
Uviečary siońnia ž sajt adnaviŭ dziejnaść na domienie Onliner.ru. Na toj ža adras karystalnik pieranakiroŭvajecca z damiena Online.by.
«Našaja redakcyja budzie pracavać pa adrasie Onliner.ru z zaŭtrašniaha dnia i da vyrašeńnia prablemnaj situacyi, — pišacca ŭ sacsietkach «Anłajniera». — Buduć začynienyja ŭsie asabistyja profili karystalnikaŭ (to značyć forum i kamentary vyklučanyja) — z-za siertyfikataŭ biaśpieki. Techničnaja prablema».
Na Onliner.ru dasiažnyja naviny i archiŭ forumu, ale niedasiažnyja katałoh dy barachołka.
