Respublikanski navukova-praktyčny centr dziciačaj chirurhii stvorać u Biełarusi ŭ 2015 hodzie. Adpaviednaja pastanova Saŭmina pryniata 20 śniežnia 2014 hoda.
Navukova-praktyčny centr abjadnaje ŭ sabie dziciačuju kardyjachirurhiju RNPC «Kardyjałohija» i dziciačy chirurhičny centr 1-j haradskoj kliničnaj balnicy Minska.
Štohod na bazie RNPC «Kardyjałohija» miedycynskaja dapamoha akazvajecca bolš čym 7 tys. dziaciej, u tym liku zvyš 1,2 tys. dziaciej z pryrodžanymi parokami atrymlivajuć tut apieratyŭnaje lačeńnie. U dziciačym chirurhičnym centry za hod abśledujucca i atrymlivajuć chirurhičnaje lačeńnie bolš za 8 tys. maleńkich pacyjentaŭ. Pry hetym značnaj kolkaści dziaciej patrabujecca akazańnie adnačasova chirurhičnaj dapamohi jak uračami-chirurhami, tak i ŭračami-kardyjachirurhami. Suśvietny vopyt raboty dziciačych chirurhičnych centraŭ pakazvaje, što najlepšy vynik u lačeńni takich dziaciej dasiahajecca ŭ centrach, na bazie jakich skancentravany ŭsie vidy chirurhičnaj dapamohi.
«Takim čynam, stvareńnie RNPC dziciačaj chirurhii z 1 studzienia 2015 hoda stanie novym impulsam u raźvićci hetaha napramku miedycyny i budzie sadziejničać raspracoŭcy, aprabacyi i ŭkaranieńniu ŭ praktyčnuju dziejnaść novych mietadaŭ akazańnia kompleksnaj chirurhičnaj dapamohi, što ŭ vyniku palepšyć dastupnaść i jakaść akazańnia vysokaśpiecyjalizavanaj miedycynskaj dapamohi dzieciam», — adznačyli va ŭradzie.