Ministerstvam achovy zdaroŭja arhanizavany manitorynh najaŭnaści ŭ aptekach usich formaŭ ułasnaści lekavych srodkaŭ, a taksama zachavańnia dyscypliny cen. U vyniku ŭstanoŭlena, što zapasy lekavych srodkaŭ dazvalajuć zabiaśpiečvać bieśpierapynnaść lačebnaha pracesu. Parušeńniaŭ u cenaŭtvareńni nie ŭstanoŭlena.
Razam z tym Ministerstva achovy zdaroŭja adsočvaje situacyju, jakaja składvajecca na farmaceŭtyčnym rynku, u tym liku pa pytańniach pastavak lekavych srodkaŭ u Biełaruś. «U vypadku nieabchodnaści sumiesna ź inšymi zacikaŭlenymi orhanami kiravańnia budziem apieratyŭna prymać usie vyčarpalnyja miery dla ŭrehulavańnia ŭźnikłych pytańniaŭ», — adznačyli ŭ viedamstvie.
Nie tak daŭno Ministerstva achovy zdaroŭja uvioło zabaronu na pavyšeńnie cenaŭ na leki. U paviedamleńni viedamstva havaryłasia: «Ministerstva achovy zdaroŭja daručaje pryniać vyčarpalnyja miery pa niedapuščeńni rostu adpusknych i roźničnych cen na lekavyja srodki, vyraby miedycynskaha pryznačeńnia i inšyja spažyvieckija tavary», uličvajučy pryniaty ŭkaz ad 5 śniežnia 2014 «Ab dadatkovych mierach pa abaronie pravoŭ spažyŭcoŭ «. U vypadku vyjaŭleńnia parušeńniaŭ zakanadaŭstva ab farmaceŭtyčnaj dziejnaści i cenaŭtvareńni i zavyšeńnia cen Ministerstva achovy zdaroŭja paabiacaŭ prymać samyja žorstkija miery, až da zakryćcia handlovych abjektaŭ.
