Siońnia asnoŭny piersanaž Rastva — Śviaty Mikałaj (Santa-Kłaŭs, a dakładniej jaho finskaja viersija Joułupuki) adpraviŭsia na alenievaj zaprežcy (videa) ŭ svajo hałoŭnaje padarožža hetaha hoda.
Miljony dziaciej pa ŭsim śviecie čakajuć jaho vizitu i, viadoma, padarunkaŭ.
U miašku sabrany padarunki na asnovie pažadańniaŭ, jakija dajšli da Santy za hod. Pa dadzienych finskaj słužby navinaŭ Yle.fi, u miech patrapili płanšetnyja kampjutary, trekiery aktyŭnaści, kanstruktary i nastolnyja hulni.
Pieramiaščeńnie Śviatoha Mikałaja adsočvajuć vajskoŭcy ZŠA. Kaliści pamyłkova telefon vajennaj bazy Pitersan byŭ nadrukavany ŭ presie, i ŭsiu noč na 25 śniežnia na bazu telefanavali dzieci, cikaviačysia šlacham Śviatoha Mikałaja.
Vajskoŭcam pryjšłosia ciarpliva paviedamlać dzieciam šlach Sv. Mikałaja, a z taho času adsočvańnie šlachu vajskoŭcami stała tradycyjaj, pryhoža aformlenaj u Internecie. Šlach taksama ilustrujecca videarolikami palotu nad roznymi krainami.
Sačyć ałnajn za pieramiaščeńniami možna z druhoj pałovy dnia 24 śniežnia na hetym sajcie.
