president.gov.by
Abmiežavańnie pastavak biełaruskich tavaraŭ u Rasiju prachodziła biez zhody Pucina.
Pra heta paviedamiŭ siońnia žurnalistam Alaksandr Łukašenka pa vynikach pasiadžeńnia Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ dziaržaŭ.
«Vy — žurnalisty — dobra viedajecie, što adbyvałasia na miažy Rasii ź Biełaruśsiu sa žniŭnia hetaha hoda. Sami padrabiazna infarmavali ab pradmiecie šmatlikich dvuchbakovych kansultacyj na roznych uzroŭniach, jakija prajšli ŭ listapadzie-śniežni ŭ našych stalicach. Praŭda, infarmavali pra adno i toje ž pa- roznamu», - skazaŭ kiraŭnik biełaruskaj dziaržavy.
Alaksandr Łukašenka nahadaŭ, što Raśsielhasnahlad uvioŭ abmiežavańni na pastaŭku pradukcyi biełaruskich pradpryjemstvaŭ u Rasijskuju Fiederacyju. Bolš za toje, nasupierak usim mižnarodnym normam zabaranili tranzit tavaraŭ ź biełaruskaj terytoryi. «Heta ŭsio zroblena ŭ adnabakovym paradku bieź jakich-niebudź kansultacyj, abminajučy Jeŭrazijskuju ekanamičnuju kamisiju!» — adznačyŭ kiraŭnik Biełarusi.
«Bolš za toje, jak stała viadoma ŭ vyniku siońniašnich pieramovaŭ z Uładzimiram Uładzimiravičam, i bieź jaho zhody», - skazaŭ biełaruski lidar.
