U centry Adesy adbyŭsia vybuch kala ofisa aktyvistaŭ Jeŭramajdanu.
Jak paviedamlajecca, vybuch adbyŭsia na vuł. Žukoŭskaha, kala doma № 36, dzie dysłakujecca «Rada hramadskaj biaśpieki» aktyvista Jeŭramajdanu Marka Hardzijenki, paviedamlaje RBK-Ukraina.
Pradstaŭniki arhanizacyi paviedamlajuć, što pad pryparkavany aŭtamabil nieviadomyja kinuli ŭzryŭpakiet.
21:50
Novyja padrabiaznaści vybuchu na Žukoŭskaha, 36 u Adesie, paviedamlaje rehijanalny sajt Dumskaya.net.
U vyniku zdareńnia paškodžany aŭtamabil «Maskvič» z ukrainskim ściaham u sałonie. Jamu adarvała bampier.
Aktyvisty raźmieščanaj u budynku Rady hramadskaj biaśpieki ubačyli złamyśnika jašče da vybuchu i kinulisia za im u pahoniu, ale dahnać mužčynu nie ŭdałosia. Kali jany viarnulisia, adbyŭsia vybuch.
Tym samym, kažuć jany, byŭ sarvany zaduma bandytaŭ.
Apošnija nibyta płanavali druhi vybuch, kudy bolš mahutny, čym pieršy.
Pa słovach majdanaŭcaŭ, teraryst, vierahodna, kinuŭ pad mašynu vybuchovy pakiet, kab sabrać jak maha bolš raziavak, a potym mieŭ namier pryvieści ŭ dziejańnie druhoje vybuchovaje prystasavańnie.
Na miescy pracuje śledčaja hrupa milicyi i supracoŭniki SBU.
Niekalki tydniaŭ tamu ŭ Adesie byŭ vybuch u ofisie miascovaha tavarystva vałancioraŭ Jeŭramajdanu.
