Rezidencyja na Vajskovym bačyła Pucina i Kastra.
Pasiedžańnie doŭžyłasia bolš za piać hadzin. Jaho vyniki nieviadomyja, bo pa zakančeńni ŭdzielniki pieramovaŭ adrazu raźjechalisia, nie staŭšy razmaŭlać z presaj.
Pasoł Rasii ŭ Biełarusi Surykaŭ, pasoł Rasii va Ukrainie Zurabaŭ, eks-prezident Ukrainy Leanid Kučma.
U pieramovach udzielničali aficyjny pradstaŭnik dziejnaha staršyni ABSIE pa pytańniach ŭrehulavańnia situacyi va Ukrainie Adelchiejd Taljavini, były prezident Ukrainy Leanid Kučma, pasoł Rasii ŭ Kijevie Michaił Zurabaŭ i pradstaŭniki sieparatystaŭ z tak zvanych Łuhanskaj i Danieckaj «narodnych respublik» — Uładzisłaŭ Dejnieha i Dzianis Pušylin.
Napiaredadni Adelchiejd Taljavini paviedamlała, što na sustrečy ŭ Minsku płanujecca abmierkavać čatyry błoki pytańniaŭ:
spynieńnie ahniu usimi bakami,
advod usimi bakami ciažkaj techniki,
abmien pałonnych «ŭsich na ŭsich»,
dastaŭki humanitarnych hruzaŭ na padkantrolnyja bajevikam terytoryi dla praduchileńnia humanitarnaj katastrofy.
Ciažkaja zadača Chajdzi Taljavini.
Ci adbudziecca druhi raŭnd pieramovaŭ 26 śniežnia, pakul nieviadoma.
Pasoł Ukrainy ŭ Biełarusi Michaił Ježal.
Sam fakt pieramovaŭ u takim składzie — pieramoha Maskvy, bo ŭdzieł u razmovach tak zvanych sieparatystaŭ lehitymizuje samaabvieščanyja DNR i ŁNR. Z druhoha boku, Ukraina nie maje inšaha vyjścia. Vajennaja pieravaha Rasii ahromnistaja, i tolki canoj vializnych achviaraŭ, pieravažna siarod dobraachvotnikaŭ, ukraincam udałosia spynić nacisk novarasijskich šturmavikoŭ. Tamu i Kijeŭ, i Vašynhton, i Brusel vysoka ceniać pieramovy, arhanizavanyja choć by ŭ takim farmacie. U ich jość i zasłuha Alaksandra Łukašenki. Maskvie i Daniecku ciažej adchilać idei mirnaha vyrašeńnia kanfliktu, kali jany sychodziać ad palityka, papularnaha ŭ Rasii i Danbasie.
