BOSAESONCA razam z hurtami NAVI, HURMA i ZUI zapisaŭ kaladna-navahodni chit pa-biełarusku. Pieśnia «Kazki» – heta biełaruskija Jingle Bells i Happy New Year u adnym fłakonie. Pad huki novaj pieśni kožny biełarus moža zahadvać žadańni ŭ navahodniuju noč i čakać cudaŭ na Kalady.
«Ideja takoj navahodniaj biełaruskaj pieśni ŭźnikła ŭ mianie ad žadańnia zrabić niešta razam, supolnaściu. Adčuć, što niahledziačy na składanaści žyćcia, my ŭsio jašče zdolnyja prosta ŭśmichacca adno adnamu i vieryć u cudy», – dzielicca aŭtar prajekta Aleś Kot-Zajcaŭ. – Ja chutka napisaŭ muzyku i prapanavaŭ napisać tekst pieśni Valarynie Kustavaj, biełaruskaj paetcy. A potym zaprasiŭ svaich siabroŭ-muzykaŭ uziać udzieł u zapisie. Tamu razam z hurtom BosaeSonca ŭ zapisie ŭdzielničajuć muzyki i salisty hurtoŭ HURMA, Navi i Zui».
Klip na novuju pieśniu hladzicca sapraŭdy kazačna i ramantyčna. U im niama śpiecefiektaŭ, ale jość hałoŭnaje – sapraŭdnaja i ščyraja atmaśfiera śviata. Stvaryli ž videa Arciom Łobač i Alaksandr Alejnikaŭ.
Aleś Kot-Zajcaŭ: «Mnie vielmi chaciełasia, kab praca nad hetym sinhłam stała bolšym, čym zapis adnoj pieśni, i vyrasła ŭ vialikuju i pryhožuju historyju. U vyniku da pracy dałučyłasia vielmi šmat talenavitych ludziej, što nie mahło nie pakinuć adbitku na vyniku. Dumaju, u nas atrymaŭsia sapraŭdy kazačny padarunak, jaki dla mnohich stanie adnym sa składnikaŭ śviatočnaj atmaśfiery».
Ciaham śviataŭ aŭtary prajekta «Kazki» abiacajuć paciešyć słuchačoŭ nievialičkimi siurpryzami i maleńkimi pryjemnaściami. Ale hałoŭnym padarunkam, kaniečnie, stanie žyvaja prezientacyja prajekta.
Pieśniu «Kazki» u žyvym vykanańni možna budzie pačuć 8 studzienia ŭ mienskim bary «DK», dzie, darečy, i zdymaŭsia klip. Na kazačnym kancercie vystupiać usie ŭdzielniki kaladnaha prajekta – BosaeSonca, Navi, Hurma i Zui.
Kazačnych śviataŭ usim!
