Vučań druhoha kłasa Himnazii № 1 horada Błahavieščanska (Rasija) Płaton Jerašaŭ pryjšoŭ na ranišnik u kaściumie Uładzimira Pucina — u pinžaku, štanach i kardonnaj mascy. Na fatahrafii, zroblenaj mamaj adnakłaśnicy «prezidenta», vidać, što chłopčyk staić pobač ź dziećmi ŭ vobrazach muškiecioraŭ.
Paźniej chłopčyk pryjšoŭ u redakcyju «Amurskaj praŭdy», dzie raspavioŭ, što spačatku jamu chaciełasia apranucca ŭ kaścium Darta Viejdera: «Ale hetaha kaściuma ŭ kramach my nie znajšli - usio ŭžo raskupili. A tak vyjšła, što tatu z Łondana pryvieźli ŭ padarunak masku Pucina. I jon prapanavaŭ mnie być prezidentam — ja adrazu pahadziŭsia. Tym bolš pinžak, kašula, štany ŭ mianie ŭžo byli…».
Maleńki Pucin adznačyŭ, što na ranišniku Dzied Maroz nie prymusiŭ jaho čytać vieršy, ale karahod jon vadziŭ z astatnimi dziećmi. Pavodle jaho słoŭ, kaścium napałochaŭ adnu z babul, jakija pryjšli ŭ škołu: «paviarnułasia da mianie, plasnuła rukami i prašaptała:»O boža, Pucin!»
