U Viciebsku 24 śniežnia nieviadomyja aktyvisty vyviesili na šmatpaviarchoŭcy ŭ centry horada vialiki bieł-čyrvona-bieły ściah, jak miarkujecca, u padtrymku Jurasia Bieleńkaha, jakoha aštrafavali pierad Kaladami ŭ treci raz.
Mienavita vyviešvańnie ściaha i stała padstvavaj dla zatrymańnia aktyvista Kansiervatyŭna-Chryścijanskaj partyi BNF Siarhieja Kavalenki. Jak paviedamiła charter97.org jahonaja žonka Alena Kavalenka, zatrymańnie adbyłosia prykładna kala 17 hadzinaŭ viečara. Zaraz jon znachodzicca da sudu ŭ haradskim izalatary časovaha ŭtrymańnia: «U Z hadziny ranicy ja patelefanavała ŭ izalatar i tam mnie paćvierdzili, što jon znachodzicca ŭ ich z učorašniaha viečara», — raspaviała žančyna.
Siarhiej Kavalenka nieadnarazova aryštoŭvaŭsia i navat adbyŭ turemny termin za vyviešvańnie ŭ Viciebsku nacyjanalnych bieł-čyrvona-biełych ściahoŭ.
