Vy kali-niebudź bačyli na vulicach horada tancujučych rabinaŭ? 21 śniežnia minčuki mahli nazirać takuju karcinu.
Usia sprava ŭ tym, što ŭ hety dzień habrei biełaruskaj stalicy stali ŭdzielnikami cyrymonii, jakoj nie było ŭ Minsku praktyčna sto hadoŭ. U sinahohu pa vuł. Daŭmana, 13b ŭnieśli novuju Toru.
Tora - heta Piaciknižža Majsieja, napisanaje na iŭrycie, u vyhladzie dakładnaj kopii skrutka, jaki, jak ličycca ŭ iudaiźmie, uručyŭ Majsieju boh na hary Sinaj.
U skrutku, jaki pryjechaŭ u Minsk, byli 92 niedapisanyja litary. I ŭsie habrejskija mužčyny, jakija pryjšli ŭ toj viečar, zmahli vykanać vialiki zapaviet napisańnia Tory.
«Mnie akazali honar napisać litaru «fiej» u novym skrutku Tory ŭ sinahozie na Daŭmana. Takim čynam ja vykanaŭ adzin z 613 zapavietaŭ habrejskaha mužčyny. Uniasieńnie novaj Tory — vialikaje śviata. Skrutak słužyć praktyčna biaskonca, stahodździami, jaho pastajanna restaŭrujuć. Znachodziać skrutki, jakim 5000 hadoŭ», - napisaŭ u siabie ŭ fejsbuku zasnavalnik TUT.BY Juryj Zisier.