Alaksandr Łukašenka padkreśliŭ, što dzieci i staryja źjaŭlajucca hałoŭnym kłopatam dziaržavy.
Ab hetym biełaruski lidar paviedamiŭ siońnia, naviedvajučy dom-internat dla piensijanieraŭ i invalidaŭ.
«Pad Novy hod nie tolki ja, ale i maje dzieci i siemji dziaciej pryjazdžajem u dziciačyja damy, damy-internaty, da pažyłych ludziej. I nie tolki pad Novy hod, u maim prezidenckim žyćci heta praktyka, - adznačyŭ Alaksandr Łukašenka. - Dzieci i staryja - heta hałoŭny kłopat dziaržavy».
Pierad pažyłymi ludźmi i invalidami, jakija pražyvajuć u domie-internacie, z muzyčnaj kazkaj «Cudy na Kalady» vystupili vučni Astrašycka-Haradockaj ahulnaadukacyjnaj siaredniaj škoły.
Kiraŭnik dziaržavy padkreśliŭ, što mienavita hetym dzieciam pryjšła ideja vystupić sa śviatočnym śpiektaklem. «Ja pryjšoŭ u škołu, i dzieci pakazali nam hety śpiektakl. Ja skazaŭ: «Dobra, davajcie pajedziem da maich starych i pakažam im, čamu vy navučylisia». Voś tak naradziłasia heta ideja. Ministr (ministr pracy i sacyjalnaj abarony Biełarusi Marjana Ščotkina) havoryć, što ŭ tutejšych starych nie va ŭsich jość dzieci, unuki, dyk voś ciapier u vas jość hetyja dzieci i ŭnuki, i jany buduć pryjazdžać pa vašaj prośbie i stavić na hetaj scenie novyja śpiektakli», - skazaŭ Alaksandr Łukašenka.
Kiraŭnik dziaržavy aznajomiŭsia z umovami pražyvańnia ŭ domie-internacie, naviedaŭ stałovuju i aktavuju zału. Jon padaryŭ pažyłym ludziam i invalidam doma-internata pasažyrski mikraaŭtobus. U adkaz biełaruski lidar atrymaŭ u jakaści navahodniaha padarunka źviazanyja pažyłymi žančynami šapku, šal, škarpetki i rukavicy.
