U Homielskim abłasnym sudzie siońnia zaviaršyŭsia paŭtorny sudovy praces pa spravie ab zabojstvie 23-hadovaha repietytara Maryny Alaksandravaj. Trom abvinavačanym vyniesieny prysud.
Asnoŭnaha fihuranta pa spravie Antona S. sud prysudziŭ da 24 hadoŭ pazbaŭleńnia voli ŭ kałonii ŭzmocnienaha režymu. Dvaim inšym saŭdzielnikam złačynstva — mužy i žoncy Kaciarynie i Paŭłu M. — taksama pryznačana bolš surovaje pakarańnie: 19 i 18 hadoŭ pazbaŭleńnia voli. Prysud moža być abskardžany i apratestavany ŭ vyšejšaj instancyi.
Nahadajem, zabojstva dziaŭčyny adbyłosia 20 lipienia 2013 h.
Maryna Alaksandrava źnikła paśla taho, jak pajechała damaŭlacca ab akazańni repietytarskich pasłuh na adnu z kvater abłasnoha centra. Jak vyśvietliłasia paźniej, pad hetaj padstavaj dziaŭčynu zavabili, kab pazbavić žyćcia. Hałoŭnym fihurantam pa spravie vystupaŭ jaje były małady čałaviek, ź jakim jana rasstałasia. Niekalki miesiacaŭ jon vynošvaŭ płan pomsty, u jaki pryśviaciŭ svajho tavaryša i jaho žonku. Pa materyjałach spravy, usie troje akazalisia datyčnymi da ździajśnieńnia złačynstva. Paśla jaho ździajśnieńnia cieła zahinułaj vyvieźli ŭ les, dzie i zakapali ŭ zahadzia pryhatavanuju jamu.
19 maja hetaha hoda trom fihurantam pa spravie byŭ vyniesieny abvinavaŭčy prysud u Homielskim abłasnym sudzie. Były chłopiec atrymaŭ 15 hadoŭ pazbaŭleńnia voli ŭ kałonii ŭzmocnienaha režymu, a saŭdzielniki złačynstva - pa 13 hadoŭ u VK ahulnaha režymu.
Adnak Viarchoŭny sud admianiŭ vyniesieny prysud, pryjšoŭšy da vysnovy, što jaho nielha ličyć zakonnym i abhruntavanym. Sprava była nakiravana na novy razhlad u inšym składzie. Paŭtorny praces, jaki pačaŭsia 4 listapada, a ciapier zaviaršyŭsia bolš žorstkim abvinavaŭčym prysudam.
