U Budapiešcie ŭ piatnicu, 2 studzienia bolš za piać tysiač demanstrantaŭ sabralisia nasuprać budynka opiery. Jany vystupili suprać palityki zbližeńnia z Rasijaj ciapierašniaha prava-nacyjanalistyčnaha premjer-ministra Vienhryi Viktara Orbana.
Reuters
Ludzi krytykujuć palityku Orbana ŭ halinie ekanomiki. «Tryvožna nazirać, jak Vienhryju staviać u zaležnaść ad Rasii», — ličyć adzin z pratestoŭcaŭ, majučy na ŭvazie rasiejski kredyt u 10 młrd jeŭra na zaviaršeńnie budaŭnictva vienhierskaj AES «Pakš».
Mnohija demanstranty bajacca ŭzmacnieńnia aŭtarytaryzmu. «Va ŭsich aśpiektach našaha žyćcia my aścierahajemsia viartańnia da centralizacyi, padobnaj toj, što była pry kamunistyčnym režymie», — kaža inšaja demanstrantka.
Rehularnyja akcyi pratestu ŭ Budapiešcie iduć na praciahu apošnich dvuch miesiacaŭ. Arhanizatary — pradstaŭniki novaj hramadzianskaj inicyjatyvy «CiapierMy!» (MostMi!) — abiacajuć paŭtor demanstracyi 1 lutaha, za dzień da vizitu ŭ Vienhryju kanclera Hiermanii Anhieły Mierkiel.