Naš ziamlak Ivan Kazak vystupiŭ u finale ŭkrainskaha telešou «Naśmiašy komika», jakoje vyjšła ŭ efir 3 studzienia, i sarvaŭ maksimalny bank - 100 tysiač hryŭniaŭ.
Na finalnym vystupleńni «Naśmiašy komika» Ivan Kazak čytaŭ žarty ŭłasnaha sačynieńnia pra adukacyju, siamju i hramadstva. U vyniku doŭhaj i karpatlivaj padrychtoŭki z žartam pra škołu baranavicki komik vyjhraŭ 75.221.000 biełaruskich rubloŭ pa kursie Nacbanka.
«Stojačy za kulisami, ja vielmi chvalavaŭsia, bo chaciełasia vyjhrać. Pačaŭ čytać svaje žarty i raptam ź lohkaściu za 10 chvilin vyjhraŭ 100 tysiač hryŭniaŭ. Zastaŭsia navat vialiki zapas niepračytanych žartaŭ. Moh by ź imi jašče i miljon hryŭniaŭ vyjhrać», - raskazaŭ Ivan Intex-press.
Heta druhi vystup Ivana na pieradačy. Pieršy adbyŭsia ŭ mai 2014 hoda, kali Ivan vyjhraŭ 50 tysiač hryŭniaŭ.
Ivanu Kazaku 28 hadoŭ, jon naradziŭsia i vyras u horadzie Baranavičy. Paśla zakančeńnia liceja pastupiŭ u BDU na chimičny fakultet. Va univiersitecie Ivan zachapiŭsia armreślinham, ale, nabliziŭšysia da zvańnia «majstar sportu», addaŭ pieravahu KVZ, dzie adčuŭ siabie na svaim miescy.