Z novaha čyhunačnaha raskładu moža źniknuć mižnarodnyja čyhunačnyja spałučeńni Miensk-Varšava.
Polskaja čyhunka razhladaje taki varyjant u suviazi z pamianšeńniem finansavańnia z boku Ministerstva infrastruktury i rehijanalnaha raźvićcia Polščy, piša «Radyjo Racyja». Kančatkovaje rašeńnie pakul nie pryniataje, kaža Marta Ziemska: «Kančatkovaje paćviardžeńnie napeŭna budzie na hetym tydni. Nasamreč razvažajuć nad prypynieńniem spałučeńnia ad 15 sakavika».
Pieršy namieśnik načalnika Pasažyrskaj słužby Biełaruskaj čyhunki Andrej Kaško spadziajecca, što ciahnik usio ž zachavajecca.
Ciahniki №115 i 116 spałučeńniem Minsk—Varšava, Varšava—Minsk — samy kamfortny sposab dajezdu ŭ stalicu Polščy. Biełaruskaja čyhynka kamplektavała ciahnik raniej z kamfortnych kupejnych vahonaŭ, a kali toje stała niemahčyma praz pamier płatformy na Varšavie-Centralnaj, jana zamianiła ich na mienš zručnyja spalnyja vahony polskaha typu. Tym nie mienš, čas vyjezdu i pryjezdu zastajucca pryvabnymi dla padarožnikaŭ.
