Abjavu ab dareńni ščaniat parody «Akita-Inu» paciarpieły ŭbačyŭ u internecie. U abjavie paviedamlałasia, što žančyna z Francyi źbirałasia pieradać dvuch svaich sabak vyšejpakazanaj parody ŭ dobryja ruki. Budučym haspadaram prapanoŭvałasia tolki apłacić pasłuhi pa transparciroŭcy.
U chodzie padrychtoŭki pa pieradačy jamu žyviołaŭ mužčynu pryjšło kala 200 elektronnych paviedamleńniaŭ. U ich havaryłasia ab roznych ciažkaściach, dla vyrašeńnia jakich nieabchodny byli dadatkovyja hrošy: nabyćcio biletaŭ i kletak, transparciroŭka, strachavańnie i inšaje. U ahulnaj kolkaści pinčuk praz 23 hrašovyja pieravody pieraličyŭ kala $5000, paviedamili va ŭpraŭleńni Śledčaha Kamitetu pa Bresckaj vobłaści.
U vyniku «haspadary» napisali mužčynu, što ŭ sabak naradzilisia 4 ščaniat, adnak pry transparciroŭcy dvoje ź ich pamierli. Za heta jamu abiacali zrabić strachavyja vypłaty, dla čaho nieabchodna było sustrecca ŭ Minsku. U stalicy mužčyna nikoha i ničoha nie dačakaŭsia, adnak atrymaŭ čarhovaje paviedamleńnie z prośbaj ab pieravodzie jašče hrošaj, bo nibyta ŭłaśniku žyviołaŭ nie chapiła na pieralot. Zrazumieŭšy, što heta byŭ padman, paciarpieły źviarnuŭsia z zajavaj u pravaachoŭnyja orhany. Vyśvietliłasia, što źniaćcie hrašovych srodkaŭ adbyvałasia ŭ Respublicy Kamierun.
Pinskim mižrajonnym adździełam Śledčaha kamiteta Respubliki Biełaruś 31 śniežnia 2014 h. raspačataja kryminalnaja sprava pa č. 3 art. 209 (Machlarstva, ździejśnienaje ŭ bujnym pamiery) Kryminalnaha kodeksa Respubliki Biełaruś pa fakcie zavałodańnia hrašovych srodkaŭ šlacham padmanu za transparciroŭku ščaniat.
