Złamyśnik zachapiŭ zakładnikaŭ u kramie kašernych praduktaŭ u ŭ 20-j akruzie Paryža i patrabuje vyzvalić bratoŭ Saida i Šeryfa Kuašy, jakija padazrajucca ŭ napadzie na redakcyju časopisa Charlie Hebdo. Pra heta paviedamlaje radyjostancyja RTL.

U zakładniki zachoplenyja nie mienš za piać čałaviek. U chodzie pierastrełki zahinuli dva čałavieki. Hetuju infarmacyju BBC News paćvierdzili ŭ palicyi.

Palicyja evakuiruje miascovych žycharoŭ u rajonie Port-de-Viensens, dzie ŭzbrojeny mužčyna zachapiŭ zakładnikaŭ. Fota AFP.

Palicyja evakuiruje miascovych žycharoŭ u rajonie Port-de-Viensens, dzie ŭzbrojeny mužčyna zachapiŭ zakładnikaŭ. Fota AFP.

Pavodle infarmacyi palicyi, złačyniec — 32-hadovy Amiedzi Kulibali, maje dačynieńnie da zabojstva 8 studzienia supracoŭnicy palicyi ŭ horadzie Manruž pobač z Paryžam.

Pavodle paviedamleńniaŭ francuzskaj palicyi, złamyśnik ŭvachodzić u tuju ž isłamskuju hrupoŭku, što i braty Kuašy, jakija ŭ hety čas zabłakavanyja palicyjaj u pryharadzie Paryža. Pa niekatorych dadzienych, jany taksama ŭtrymlivajuć zakładnika.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?