Jeŭraradyjo
U subotu, 10 studzienia, padčas pank-viečaryny ŭ minskim kłubie «Piraty» pa adrasie Partyzanski praśpiekt, 6a ŭ zału ŭvarvalisia bajcy śpiecpadraździaleńnia.
Vidavočcy paviedamlajuć, što mnohija z amapaŭcaŭ byli ŭ maskach. Usich prysutnych źniali na kamieru, pierapisali ich dadzienyja i prymusili razyścisia. U dadzieny momant prysutnych vyvodziać z kłubu. Kala budynku dziažurać aŭtazaki. Pieršapačatkova ich było dva. Potym «padali» treci. Pra heta paviedamiŭ pravaabaronca Michaił Mackievič, supracoŭnik Lawtrend, jaki prysutničaje na miescy padziej.
Pavodle jaho, zatrymanyja dvoje haściej pank-viečaryny, jakija pradavali pank-atrybutyku. Zatrymanych pieršapačatkova muzykaŭ ź Italii adpuścili.
Siłaviki ad kamientaroŭ admovilisia.
Znajomyja zatrymanych udzielnikaŭ viečaryny paviedamili, što tych na niekatory čas zamknuli ŭ kłubie, nie dazvalali adkazvać na mabilnyja zvanki.
