Ukrainski ekanamist Siarhiej Alaksašanka analizuje płan miljardera Džordža Sorasa što da Ukrainy.
Džordž Soras, adzin z najbolš aktyŭnych miljarderaŭ, vystupiŭ na hetym tydni z prapanovaj zachodnim krainam dać dapamohu Ukrainie ŭ sumie 50 miljardaŭ dalaraŭ. Na dumku fiłantropa, jeŭrapiejskija lidery staviacca da Ukrainy prosta jak da čarhovaj krainy, jakoj patrebnaja finansavaja dapamoha, nie ŭśviedamlajučy, što kryzis na ŭschodniaj miažy JEZ ujaŭlaje realnuju niebiaśpieku dla vyžyvańnia Jeŭraźviazu.
Ci hatovy zachad dać takija hrošy? Prapanovu Sorasa «Hołas Amieryki» paprasiŭ prakamientavać ekanamista Siarhieja Alaksašanku.
«Ci mohuć 50 miljardaŭ dalaraŭ vyratavać Ukrainu? Ja dumaju, što tak. Siońnia havorka idzie pra toje, kab vyłučyć Ukrainie adzin miljard, dva miljardy - ja dumaju, što heta naŭrad ci zhulaje istotnuju rolu, tamu što prablemy Ukrainy značna bolš istotnyja, patrebien poŭnamaštabny płan, raźličany na 3-4 hady, pry žorstkim udziele zachodnich finansavych arhanizacyj u realizacyi reformaŭ. I Ukraina pavinna razumieć, što pad hetyja płany jość istotnaja finansavaja padtrymka. Ja dumaju, što płanka Sorasa jana bolš intuityŭnaja - ale paradak ličbaŭ, napeŭna, prykładna taki. Ci hatovy zachad? Pavodle stanu na viasnu minułaha hoda, kali VMF prymaŭ pastanovy ab 17 miljardach kredytu - 17 miljardaŭ ad MVF i 18 miljardaŭ ad uradaŭ i mižnarodnych arhanizacyj - suma była blizkaja, ale prajšoŭ hod - za hety čas Ukraina zaznała ahresiju ad Rasiei, prablemy Ukrainy abciažaranyja - i siońnia treba kazać ab novym pakiecie dapamohi. Mnie zdajecca, zachad jašče da hetaha nie hatovy», - zajaviŭ ekanamist.
