U nastupnym numary Charlie Hebdo buduć znoŭ apublikavanyja karykatury na praroka Muchamieda, jakija ličacca pryčynaj napadu na redakcyju paryžskaha štotydniovika.
Pra heta advakat vydańnia Ryšar Małka paviedamiŭ u efiry radyjostancyi France Info.
Jon adznačyŭ, što ŭ sieradu, 14 studzienia, u kijoskach jak u Francyi, tak i va ŭsim śviecie čytačy znojduć svoj zvykły Charlie Hebdo. «My nie sastupim, inakš usio heta budzie biessensoŭna», — skazaŭ Małka.
Pavodle jaho viersii, słovy Je suis Charlie aznačajuć, što «ŭ vas jość prava krytykavać maju relihiju». «U nas niama prava krytykavać iudzieja, tamu što jon iudziej, musulmanina, tamu što jon musulmanin, chryścijanina, tamu što jon chryścijanin. Adnak vy možacie skazać usio, što chočacie, samyja žudasnyja rečy, i my ich havorym, adnosna chryścijanstva, judaizmu i isłamu», — rastłumačyŭ jon.
Raniej Małka zajaviŭ, što nakład śviežaha numara składzie miljon asobnikaŭ (zvyčajna vychodziła 60 tys.).
