Vyjavy Minska ŭvieś čas prysutničajuć na internet-aŭkcyjonach.
Zusim mała jaho na zdymkach i paštoŭkach carskich časoŭ. Prykładna adnolkava źjaŭlajecca i niamieckich vyjaŭ časoŭ Pieršaj suśvietnaj. Redkija zdymki nievialikaha pramiežku prysutnaści ŭ Minsku polskaha vojska. Bolš-mienš časta sustrakajucca zdymki i paštoŭki savieckaha mižvajennaha pieryjadu. I najbolš časta možna pabačyć i prydbać zdymki niamieckich žaŭnieraŭ času Druhoj suśvietnaj vajny.
Vobraz niemca z fotaaparatam, jaki časta pakazvali ŭ savieckich filmach, u cełym adpaviadaje rečaisnaści. Zdymkaŭ sapraŭdy šmat. Za hod ich prachodzić niedzie kala tysiačy asobnikaŭ.
Ciapier za fota prosiać ad 2 jeŭra. Ale byvaje, što pradajecca za taki košt i pa 5-10 zdymkaŭ.
Nieviadoma, ci šmat z vystaŭlanaha na prodaž traplaje ŭ Biełaruś, u pryvatnyja ci muziejnyja kalekcyi. Ale dumaju, što ŭsie hetyja zdymki (navat virtualnyja) treba było b niedzie źbirać. Na padstavie ich užo ciapier možna pisać daśledčyja pracy i vyvučać historyju.