U śniežni ŭ internecie źjaviłasia videa, na jakim małady čałaviek u formie raskazaŭ, jak jon adpraviŭsia ź Biełarusi vajavać na baku sieparatystaŭ.
«Dziakujučy vopytu, jaki mnie daŭ moj kamandzir, staršy lejtenant Uładzimir Karačun (słužyŭ ja ŭ 5-j bryhadzie śpiecyjalnaha pryznačeńnia horada Marjina Horka — nie chavaju)», — zajaviŭ tady chłopiec.
«Naša Niva» znajšła hetaha śpiecnazaŭca i pahavaryła ź im. Jaho imia — Siarhiej. Jamu 23 hady. Vajuje ŭ padraździaleńni Mataroły (palavy kamandzir DNR Arsien Paŭłaŭ). Niadaŭna jon ažaniŭsia ŭ Daniecku z 18-hadovaj Darjaj.
«NN«: Nie strašna było pad bambiožkami žanicca?
— A heta ramantyčna, cha-cha. Nie, bracie, nie strašna.
Fota z sacyjalnych sietak.
«NN»: Na fotazdymkach bačyŭ tvaju žonku ŭ vajskovaj formie. Taksama vajuje?
— Tak, vajuje pad maim kiraŭnictvam. Ja jaje kamandzir uzvoda.
«NN»: Daŭno ŭ Daniecku?
— Z červienia.
«NN»: Što padšturchnuła jechać?
— Nu a ty jak dumaješ? Kaniečnie, śmierć dziaciej i matak, babul i dziadul. Začapiła nadta mocna.
«NN»: Ty słužyŭ u Marjinaj Horcy. Niechta sa śpiecnazaŭcaŭ z taboj pajechaŭ u Danieck? Biełarusaŭ tam šmat?
— Ty jak KDB. Nichto sa mnoj nie pajechaŭ — ja adzin.
U nas tolki ja i jašče adzin tavaryš pa słužbie: chto i što, nie mahu skazać. A ŭ cełym biełarusaŭ u DNR adzinki.
«NN»: Z byłymi tavaryšami pa słužbie padtrymlivaješ kantakty? Jak jany adnosiacca da tvajho ŭčynku?
— Padtrymlivaju suviazi.
Niechta kaža: «Uvažucha, brat». A inšyja: «Poskudź job…ia, chutčej by ty zdoch».
Što tut skažaš: dehradujuć prydurki — mienš treba ŭ internecie siadzieć.
Fota z sacyjalnych sietak.
«NN»: Vjedaješ, što KDB adsočvaje tych, chto vajuje va Ukrainie? Da tvaich rodnych źviartalisia?
— Ja ŭ kursie, ale nie źviartalisia.
Baćki i nie viedali, što ja pajechaŭ. Daviedalisia tolki ŭ listapadzie. I što ŭžo zrobiš, kali ja tut.
«NN»: Ale razumieješ, što ŭ Biełarusi ciabie mohuć aryštavać za najomnictva?
— Viedaju i razumieju. Baćka źmienić zakony. U budučym, voś pahladziš.
«NN»: Dumaješ viartacca?
— Niea.
«NN»: Hramadzianstva rasijskaje dajuć?
— Nichto ničoha nie daje. I tym bolš rasijskaje — DNR jašče mo i možna zrabić, ale nie rasijskaje.
Fota z sacyjalnych sietak.
«NN»: U ciabie ranieńni byli?
— Tak, 3 ranieńni (dva kulavyja i adno askołačnaje) i 4 kantuzii. I ciapier ja paranieny — na balničnym. Pry šturmie novaha terminała ŭ aeraporcie paraniła dzion 10 tamu [razmova była 28 studzienia].
«NN»: Viedaješ, što biełarusy vajujuć i na baku ŭkraincaŭ? Sutykaŭsia ź imi?
— Viedaju, i nadta šmat takoj poskudzi tam. Tak, sustrakaŭsia, ale bolš jany ni z kim nie sustrenucca, cha-cha.
«NN»: Zabili?
— Nie važna.
Fota z sacyjalnych sietak.
«NN»: Na formie ŭ ciabie ŭznaharodny. Za što?
— Bajavyja.
«NN»: A kankretniej?
— Za bajavyja — hetaha mała?
«NN»: Inšy biełarus, jaki vajavaŭ na baku DNR, skazaŭ, što hrošy atrymlivaje za słužbu.
— Nu kali jon atrymlivaje, to ściah jamu ŭ ruki. Adkul tut hrošy? Nichto ničoha nie atrymlivaje.
«NN»: Kijeŭ zajaŭlaje pra pierachod rasijskich vojskaŭ. Šmat rasijskich sałdat siarod vas?
— Cha-cha, jakija vojski. Kali b jany byli, to my jašče ŭ lipieni śviatkavali b dzień pieramohi ŭ Kijevie.
«NN»: Doŭha jašče pratrymajeciesia, kali rasijskija vojski nie ŭvojduć?
— Dyk jany nam i nie patrebnyja. U nas usio cudoŭna.
«NN»: Kali ŭ Danieck jechaŭ, raźličvaŭ, kolki ŭsio moža ciahnucca?
— Ja viedaŭ i viedaju, što vajna budzie iści doŭha.
Fota z sacyjalnych sietak.
