«Patrebny repost, siabry! Zaŭždy vaš Alaksandr Saładucha ŭryvajecca ŭ kantakt!» — piša śpiavak pad videapaćvierdžańniem sapraŭdnaści staronki «UKantakcie». U chutkim časie źjavicca i paćvierdžańnie staronki na Facebook.
Pieršy zapis na staroncy «UKantakcie» datavany 19 listapada 2014 hoda, ale videapaćvierdžańnie źjaviłasia tolki 16 studzienia. Aficyjnaja supołka śpievaka tut. Staronka na Facebook zaviedzienaja 29 studzienia.
Alaksandr sam budzie vieści svaje staronki, a jak nie budzie času — dapamoža syn Anton.
«Dabiaremsia i da Twitter, i da Instagram, i da «Adnakłaśnikaŭ», i da Youtube, paŭsiul dabiaremsia, usio budzie pacichu»,
— zapeŭniŭ «Našu Nivu» Anton Saładucha. Sam śpiavak zaraz adpačyvaje z žonkaj u Jehipcie.
Alaksandr Saładucha — biełaruski pop-śpiavak, jaki pačaŭ solnuju karjeru ŭ 1991 hodzie. Papularnaść jamu ŭ 1995 hodzie pryniesła pieśnia «Zdravstvuj, čužaja miłaja» (niadaŭna była zapisanaja jaje rok-viersija). Jaskravaja źniešnaść i styl zrabili jaho biełaruskim internet-miemam. Śpiavak nie saromiejecca śmiełych vobrazaŭ: da adboru na «Jeŭrabačańnie» jon źniaŭsia ŭ vobrazie matylka, pra absalutnuju papularnaść zajaviŭ u pieśni «Saša Sołoducha». Saładucha na solnym kancercie sabraŭ pałovu «Minsk-Areny», ale niadaŭna vystupiŭ u nievialikim kłubie «Hrafici».
Padpisacca:
https://vk.com/soloduhaalexander
https://www.facebook.com/profile.php?id=100007128185154
