Pryhavaram suda Babrujskaha rajona i Babrujska ad 25 listapada 2014 hoda z ulikam źmianieńniaŭ, uniesienych sudovaj kalehijaj pa kryminalnych spravach Mahiloŭskaha abłasnoha suda 29 studzienia 2015 hoda 51-hadovaja barysaŭčanka, pradstaŭnica cyhanskaj dyjaspary, jakaja nie maje hramadzianstva, asudžana pa č. 3 art. 328 KK da 13 hadoŭ pazbaŭleńnia voli z kanfiskacyjaj majomaści.
Jak paviedamiła staršy pamočnik prakurora Mahiloŭskaj vobłaści Ała Kuźniacova, zhodna z materyjałami kryminalnaj spravy, u žniŭni 2014 hoda asudžanaja była zatrymanaja na terytoryi Babrujskaha rajona pry pieravozcy bujnoj partyi (38,14 h) asabliva niebiaśpiečnaha narkatyčnaha srodku «karfientanił», jakoje pa svaich ułaścivaściach uździejańnia na arhanizm čałavieka ŭ 1.000 razoŭ macniejšaje za hierain i ŭ 10 000 razoŭ — za marfin. Dla narkatyčnaha apjanieńnia čałavieku dastatkova 1 mikrahrama zhadanaha rečyva.
Žančyna raniej nieadnarazova pryciahvałasia da kryminalnaj adkaznaści za zbyt narkatyčnych srodkaŭ i adbyvała praciahłyja terminy źniavoleńnia. Złačynstva jana ŭčyniła mienš čym praz hod paśla vyzvaleńnia ź miescaŭ pazbaŭleńnia voli.
Sud pryznaŭ žančynu vinavataj u niezakonnym z metaj zbytu nabyćci, zachoŭvańni, pieravozcy asabliva niebiaśpiečnaha narkatyčnaha srodku ŭ bujnym pamiery i pryznačyŭ maksimalna surovaje pakarańnie, praduhledžanaje sankcyjaj č. 3 art. 328 KK.
