U Biełarusi vydzielać srodki na sistemnaje abnaŭleńnie armiejskaha arsienała. Ab hetym siońnia zajaviŭAlaksandr Łukašenka, vystupajučy pierad kamandnym składam Uzbrojenych Sił,.
Kiraŭnik dziaržavy asobna spyniŭsia na pytańni zabieśpiačeńnia armii ŭzbrajeńniem i vajennaj technikaj: «Naša armija źjaŭlajecca naślednicaj niekali mahutnaj, pieradavoj Biełaruskaj vajennaj akruhi. Tamu asnoŭnyja ŭzbrajeńni nam dastalisia jašče z savieckich časoŭ. Ciapier nieabchodna sistemnaje abnaŭleńnie arsienała. My siońnia pryniali i rašeńni pa abjomach, i płany madernizacyi ŭzbrajeńnia i vajennaj techniki».
«Pieraŭzbrajeńnie — praces darahi, asabliva adnosna avijacyi i srodkaŭ PPA. Ale, razumiejučy ich asablivuju značnaść, my nakiravali ŭ ramont u minułym hodzie partyju źniščalnikaŭ i šturmavikoŭ, a taksama pryniali rašeńnie ab zakupcy novych vučebna-bajavych samalotaŭ Jak-130», — skazaŭ Łukašenka.
Pavodle jaho słoŭ, z ulikam ciapierašnich realij u asnovu pavinna być pastaŭlena racyjanalnaje raschodavańnie ŭsich vydzielenych dziaržavaj resursaŭ.
«Ja padtrymaŭ raschody, jakija byli siońnia prapanavany. Ale ja zapatrabavaŭ ad urada, kab raschodavańnie kožnaha rubla, jeŭra i dołara było pravierana. Nijakaj karupcyi, raschlabanaści, nijakaha pieraraschodu hrašovych srodkaŭ nie pavinna być. Vy viedajecie, u jakoj situacyi siońnia znachodzicca śviet i my ŭ suviazi z tym, što adbyvajecca ŭ Rasii, na asnoŭnych našych rynkach. Lišnich hrošaj nikoli nie było, i ciapier tym bolš», — padkreśliŭ biełaruski lidar.
«Sekanomlenyja srodki ŭ vyniku aptymizacyi bajavoha składu i kolkaści armii taksama pavinny nakiroŭvacca vyklučna na pieraŭzbrajeńnie vojskaŭ, moža, jašče na žyllo (dla vajennasłužačych), a taksama krytyčna važnyja mierapryjemstvy raźvićcia Uzbrojenych Sił», — zapatrabavaŭ Alaksandr Łukašenka.
Kiraŭnik dziaržavy padkreśliŭ, što staić zadača maksimalna padtrymać isnujučy bajavy patencyjał biełaruskaj armii.
«Zapas tryvałaści ŭ vajennaj techniki jašče daloka nie vyčarpany, za vyklučeńniem asobnych vidaŭ uzbrajeńniaŭ, — ličyć Łukašenka. — U pytańni zachavanaści techniki i ŭzbrajeńnia treba iści ŭ nahu z časam i bolš aktyŭna zadziejničać patencyjał našych abaronnych pradpryjemstvaŭ. A ad techniki i majomaści, što vysłužyli ŭstanoŭlenyja terminy słužby, pazbaŭlacca pa-haspadarsku, atrymlivajučy maksimalnuju addaču. Pry hetym nie śpiašajciesia ŭsio śpisvać i vykidvać».
