Naviedvajučy elitnuju vajskovuju častku 3214, Alaksandr Łukašenka źviarnuŭ uvahu na «fanackaje pytańnie». Padčas sustrečy kiraŭnika dziaržavy z kirujučym składam orhanaŭ unutranych spraŭ, unutranych vojskaŭ MUS i kursantami fakulteta ŭnutranych vojskaŭ Vajskovaj akademii, Łukašenka źviarnuŭ uvahu na aktyvizacyju supraćpraŭnych pamknieńniaŭ asobnych moładzievych abjadnańniaŭ, u pryvatnaści futbolnych fanataŭ.
«Spakoj u krainie — heta hałoŭnaje», — padkreśliŭ kiraŭnik dziaržyvy, paviedamlała BiełTA. Asabliva aktualna heta ŭ hod prezidenckich vybaraŭ.
Vidać, niemałuju rolu tut adyhrali padziei va Ukrainie. Mienavita fanaty futbolnych kłubaŭ byli ruchajučaj siłaj kijeŭskaha Majdana. I mienavita fanaty masava stali zapisvacca ŭ dobraachvotnickija bataljony padčas vajny na Uschodzie Ukrainy.
Biełaruskija fanaty taksama siabie prademanstravali letaś padčas hulni ŭ Barysavie Biełaruś – Ukraina. Biełaruski fan-siektar salidaryzavaŭsia z ukraincami. Było praśpiavana šmat pieśniaŭ razam, praskandavana «Słava Ukrainie» i «Žyvie Biełaruś», nie zabylisia i na Pucina.
Ale varta adznačyć, što biełaruski fanacki ruch nie taki šmatliki, jak va Ukrainie, Polščy ci Rasii. Niekalki sotniaj prychilnikaŭ majuć tolki ruchi minskich «Dynama», «Partyzana», «Tarpieda», bresckaha «Dynama», barysaŭskaha BATE, «Homiela» dy «Dniapra». Va ŭsich astatnich kłubaŭ aktyŭnych fanataŭ chiba što dziasiatki, a časam i adzinki.
Na siońnia biełaruski fanacki ruch padzieleny na palityčnych pohladach na «pravych» i «levych». Da apošnich adnosiacca fanaty «Partyzana», «Haradziei», «Rudzienska», «Ivacevičaŭ», «Biarozy». Adnak bolšaść prytrymlivajecca ŭsio ž pravych pohladaŭ.
Tym nie mienš, niezaležna ad hetkaha dzialeńnia ŭsie fanaty šanujuć i pryznajuć Pahoniu i bieł-čyrvona-bieły ściah, jak svaje simvały. Mabyć, heta taksama adna z pryčyn čamu siłaviki tak zacikavilisia fanatami.
«NN» prapanuje nievialikuju padborku fanackich stykieraŭ (nalepak) z vyjavaj Pahoni i bieł-čyrvona-biełaha ściaha.
Biełaruskija ŭltras. Takija nalepki robiacca dla vyjezdaŭ za miažu padčas hulniaŭ nacyjanalnaj zbornaj.
A voś nalepak ź dziaržaŭnaj simvolikaj pakul sustrakać nie davodziłasia.
Takaja partyja stykieraŭ była vyrablenaja da hulni Biełaruś - Ukraina ŭ minułym kastryčniku.
Nalepki barysaŭskaha BATE. U barysaŭcaŭ jość taksama stykiery z Kalinoŭskim i Bułak-Bałachovičam.
U minskich Šabanach taksama šanujuć Pahoniu. Nasamreč u fanataŭ «Dynama» jość vialikaja kolkaść stykieraŭ nacyjanalnaj simvolikaj. Ale «NN» nie maje ich u najaŭnaści.
Bieraściejskija dynamaŭcy siabrujuć ź minskimi.
Jość svaja pradukcyja z nacyjanalnaj simvolikaj i ŭ ultras «Partyzana».
A voś chaŭruśniki «Partyzana» z Rudzienska.
Pryhožyja nalepki śvietłahorskich fanataŭ.
Za Słuck i Biełaruś!
«Dniapro» (Mahiloŭ).
Nie adstajuć i chakiejnyja fanaty.
U hamielčukoŭ majecca jašče šmat pryhožych biełmoŭnych nalepak.
Smarhonskija ŭzory.
My tut byli i my tut budziem ad chłopcaŭ z FK «Minsk».
Asipovičy.
Salihorcy dobra siabrujuć z babrujskaj «Biełšynaj».
Salanka kłubaŭ: «Navahradak», «Nioman» (Masty), «Rečyca», «Słonim», «Połack», «Tarpieda» (Minsk).
