Fota: mycity.by
Pieršy etap prajektu «Free Wifi-Mogilev» byŭ zapuščany 10 sakavika. Zaraz publičny biaspłatny Wi-Fi pracuje ŭ testavym režymie, paviedamlaje mycity.by.
Biaspłatna karystacca sietkaj možna ciaham hadziny, spampavać možna nie bolš za 300 Mb.
Zhodna z «Ukazam 60», adkrytyja publičnyja Wi-Fi-sietki ŭ Biełarusi zabaronienyja. Pravajdary musiać mieć infarmacyju ab karystalniku, jaho pašpartnyja źviestki. Atrymać ich možna ad sotavaha apieratara. Karystalnikam «Free Wifi-Mogilev» dla rehistracyi ŭ sietcy treba pakinuć svoj numar telefonu i atrymać na jaho SMS z kodam dostupu.
Pieršy publičny punkt dostupu ŭ Mahilovie dziejničaje ŭ rajonie płoščy Słavy, u parku Horkaha, histaryčnym i krajaznaŭčym muziejach. U bližejšy čas płanujecca zapusk jašče dvuch punktaŭ: na płoščy Zorak i ŭ skviery 40-hodździa Pieramohi. Nastupnyja miescy buduć vyznačanyja praz hałasavańnie na sajcie Centru haradskich inicyjatyŭ.
Zaraz arhanizatary biaspłatnaha Wi-Fi šukajuć kamiercyjnaha sponsara i prosiać paviedamlać ab niaspraŭnaściach testavaha punktu na adras [email protected].