Fiederalny biudžet Rasii ŭ studzieni-lutym 2015 vykanany z deficytam 765 młrd rub., abo 7,4% VUP, havorycca ŭ paviedamleńni Minfina sa spasyłkaj na papiarednija dadzienyja ab vykanańni biudžetu. Pa vynikach usiaho 2014 hoda deficyt kansalidavanaha biudžetu Rasii byŭ roŭny 844,9 młrd rub.
Dachody biudžetu skłali 2,278 trłn rub. (15,1% da ahulnaha abjomu dachodaŭ, zaćvierdžanych zakonam ab biudžecie na hod), kasavyja raschody — 3,43 trłn rub. (19,6% ahulnaha abjomu vydatkaŭ za hod i 19,4% da ŭdakładnienaha rośpisu). Pieršasny deficyt fiederalnaha biudžetu ŭ studzieni-lutym skłaŭ 676 młrd rub., abo 6,5% VUP.
Niadaŭna pamočnik ministra finansaŭ Rasii Śviatłana Nikicina paviedamiła na aficyjnaj staroncy viedamstva ŭ Facebook, što deficyt fiederalnaha biudžetu Rasii ŭ 2015 h. moh by skłaści 5,2% VUP zamiest 3,8%, kali b nie była praviedziena aptymizacyja fiederalnaha biudžetu na 1 trłn rub.
